Sushil Kedia Tweet : महाराष्ट्र जोपर्यंत देवेंद्र फडणवीसांच्या हातात आहे, तोपर्यंत...' सुशील केडिया यांचं फडणवीसांना टॅग करत ट्वीट

मुंबई : राज्यात महिन्याभरापासून त्रिभाषा धोरणावरून निर्माण झालेला मराठी भाषेचा मुद्दा चांगलाच तापलाय. यानंतर काल व्यावसायिक सुशील केडियाने मराठी भाषेवरून राज ठाकरेंना ओपन चॅलेंज दिलं होतं. यानंतर मनसैनिकांनी त्यांचं ऑफिस फोडलं. दरम्यान, आज केडियाने राज ठाकरेंची जाहीर माफी मागितली आहे. व्हिडिओ शूट करून त्यांनी मराठी भाषा अतिशय चांगल्या पद्धतीने शिकणार असल्याचं सांगितलं. याचदरम्यान, सुशील केडिया याने चक्क राज्याचे मुख्यमंत्री देवेंद्र फडणवीस यांना टॅग करत पुन्हा एक ट्वीट केलं आहे. त्यात तो नेमकं काय म्हणाला आहेत ते पाहूया.

काल व्यावसायिक सुशील केडियाने मराठी भाषेवरून राज ठाकरेंना ओपन चॅलेंज दिलं होतं. यानंतर मनसैनिकांनी त्यांचं ऑफिस फोडलं. दरम्यान, आज केडियाने राज ठाकरेंची जाहीर माफी मागितली आहे. सुशील केडियाने राज्याचे मुख्यमंत्री देवेंद्र फडणवीस यांना टॅग करत ट्वीटमध्ये म्हटलं आहे की, 'जोवर महाराष्ट्र आणि महाराष्ट्राचं प्रशासन मुख्यमंत्री देवेंद्र फडणवीसांच्या हातात आहे, तोवर निश्चिंत राहा. ते आहेत तोपर्यंत कुणावर अत्याचार होणार नाही. न्यायव्यवस्था पूर्णपणे सगळ्यांना एकच न्याय आणि व्यवस्थित ठेवेन', असं सुशील केडियाने म्हटलं आहे.

सुशील केडिया नेमकं काय म्हणाला?

'माझी चूक मला मान्य आहे. त्याबाबत मी खेद व्यक्त करत आहे. मी माफी मागतो. मला माफ करा, माझे वक्तव्य मागे घेतो. लवकरच मी मराठी भाषा अतिशय चांगल्या पद्धतीने शिकेल. हे बिघडलेले वातावरण नीट करा. माझी चूक मला समजली आहे. ती सुधारू इच्छितो. ते ट्विट मी तणाव आणि दडपणाखाली केले आहे', असं सुशील केडिया म्हणाला.

केडिया याने व्हिडिओ ट्विट राज ठाकरेंची माफी मागितली. 'नमस्कार, स्ट्रेसमध्ये असल्याकारणाने मी काल एक वक्तव्य केलं होतं. सध्या माझ्या वक्तव्यावर वादंग निर्माण झालं आहे. ज्यांना मराठी येत नाही, त्यांनी केलेल्या हिंसाचारावर मी ओव्हररिएक्ट झालो. मला माझी चूक उमगली. मी माझे शब्द मागे घेत आहे', असं केडिया म्हणाला.