Badlapur Video: बदलापूर आंदोलनामुळे रेल्वे खोळंबल्या, प्रवाशांच्या मदतीला नागरिक धावले; VIDEO पाहून नेटकऱ्यांनी केलं कौतुक

सध्या देशभरात महिलांच्या सुरक्षिततेचा प्रश्न निर्माण झाला आहे. कोलकातामध्ये डॉक्टर महिलेवर अत्याचार झाले त्यानंतर बदलापूरमध्ये अल्पवयीन मुलीवर झालेल्या अत्याचाराचा जगभरातून निषेध करण्यात येत आहे. बदलापूरमधील घटनेनंतर बदलापूरकरांनी काल २० ऑगस्ट रोजी आंदोलन केले. बदलापूरकरांनी रेल्वे स्थानकावर आंदोलन केले. (Badlapur Potest)

काल जवळपास १० तास बदलापूर स्थानकावरील रेल्वेसेवा बंद होती. आंदोलकांनी बदलापूर स्थानकावरुन एकही रेल्वे पुढे जाऊन दिली आहे. त्यामुळे लोकल सेवेसोबतच लांब पल्ल्याच्या रेल्वेचादेखील खोळंबा झाला होता. रेल्वेतील प्रवाशांसाठी खाण्या-पिण्याची काहीच सोय नव्हती. अशी परिस्थिती स्थानिक लोकांनी पुढाकार घेत रेल्वे प्रवाशांसाठी जेवणाची सोय केली.याचाच व्हिडिओ सध्या सोशल मीडियावर व्हायरल होत आहे.

काही संस्थांनी आणि स्थानिक लोकांनी मिळून रेल्वे प्रवाशांसाठी जेवण बनवून दिले. त्यांच्यासाठी खिचडी बनवली होती. ही खिचडी त्यांनी रेल्वेत जाऊन प्रवाशांना दिली होती. यामुळे रेल्वेतील कोणताही प्रवाशी उपाशी राहिला नाही. माणसांनी माणूसकी दाखवत या प्रवाशांना मदत केली. याचाच व्हिडिओ सोशल मीडियावर शेअर करण्यात आला आहे.

सध्याच्या काळात माणसात माणुसकी नसल्याचे दिसत आहे. परंतु या व्हिडिओमुळे माणासांच्या माणुसकीचे पुन्हा दर्शन झाले आहे.काही लोकांनी रेल्वे प्रवाशांसाठी केलेल्या या मदतीचे संपू्र्ण देशभरातून कौतुक होत आहे. hello_mumbai_Official या इन्स्टाग्राम अकाउंटवरुन हा व्हिडिओ शेअर करण्यात आला आहे.