एकत्र आलो एकत्र राहण्यासाठी; गर्दी मराठी भाषेवरच्या अन्यायाविरोधातील, वरळीतल्या ठाकरे बंधूंच्या विजयी मेळाव्याची

मुंबई : ही गर्दी आहे मराठी भाषेवरच्या अन्यायविरोधातली वरळीला ठाकरे बंधूंच्या विजयी मेळाव्याची २० वर्षांनंतर एकत्र येण्याचा ऐतिहासिक क्षण अनुभवण्यासाठी मराठी माणसांनी तोबा गर्दी केली. सभागृहात आणि सभागृहाबाहेरही मराठी माणसाची ही गर्दी मराठीला विरोध करणाऱ्या आणि मागल्या दारानं हिंदीसक्ती लादणाऱ्यांची धडकी भरवणारी होती.

मातोश्रीहून उद्धव ठाकरे आणि शिवतीर्थावरून राज ठाकरेंही डोमच्या दिशेनं रवाना झाले. डोमबाहेर मराठीसाठी एकजूट झालेल्या मराठी बांधवांनी राज ठाकरेंचं आणि उद्धव ठाकरेचं जोरदार स्वागत केलं. त्यानंतर दोन्ही भावांची बंद दाराआड चर्चाही झाली, आणि हजारोंच्या उपस्थितीत स्टेजवर झाली ठाकरे बंधूंची ग्रँड एन्ट्री झाली.

जमलेल्या सर्व मराठी बांधवांना राज ठाकरेंनी उध्दव ठाकरेंच्या उपस्थित एकीचा नारा देत मराठीद्रष्ट्यांना झोडपून काढलं. तर उध्दव ठाकरे यांनी आमचं एकत्र दिसणं महत्वाचं आहे. असं सांगत दोन्ही ठाकरे बंधू एकत्र आल्यांच सुतोवाच केलं. २० वर्षांनंतर ठाकरे बंधू एकाच व्यासपीठावर आल्यानं महाराष्ट्रात पुन्हा एकदा ठाकरे ब्रँड स्थापित झालाय. आता येणाऱ्या स्थानिक स्वराज्य संस्थांच्या निवडणुकीत हा ठाकरे ब्रँड सत्तेची समीकरण बदलणार का ? याकडे राज्याचं लक्ष लागलंय.