Maharashtra Politics: आपल्या मालकासमोर काल एक जण 'जय गुजरात' म्हणाला, ठाकरेंचा एकनाथ शिंदेंवर हल्लाबोल|VIDEO

उपमुख्यमंत्री एकनाथ शिंदे यांनी पुण्यात अमित शाहं समोर 'जय गुजरात' अशी घोषणा केली. यावर उद्धव ठाकरेंनी जोरदार हल्लाबोल चढवला. उद्धव ठाकरे म्हणाले, काल एक गद्दार म्हणाला, जय गुजरात किती लाचारी करायची. आपला मालक आला म्हणून त्याच्यासमोर जय गुजरात म्हणणारा गद्दार आपल्या बाळासाहेबांच्या विचारांचा पाईक असू शकेल? त्यामुळे आताच उघडा डोळे. नाहीतर कायमचे मिटतील. आता आलेली जाग जाणार असेल तर स्वतःला मराठी आईची मुलं म्हणू नका असा घणाघात देखील उद्धव ठाकरेंनी केला. पुढे बोलताना उद्धव ठाकरे म्हणाले तुम्ही पुष्पा चित्रपट बघितला असेल दाढीवरून हात फिरवत म्हणतो, झुकेगा नहीं साला, तसे हे गद्दार म्हणत आहे की उठेगा नहीं साला. कुछ भी बोल उठेगा नही. अरे कसा उठणार, आहे काय तुझ्याकडे उठण्यासारखं असं म्हणताच सभागृहात एकच हशा पिकला.