आदित्य ठाकरे उद्या बुरख्यात लपून भारत पाकिस्तान मॅच बघतील; भाजप मंत्र्यांची बोचरी टीका|VIDEO

दुबईमध्ये सध्या आशिया कप स्पर्धा सुरू असून भारत आणि पाकिस्तान यांच्यात उड्याब रविवारी सामना होणार आहे. भारत आणि पाकिस्तान यांच्यातील क्रिकेट सामन्यावरून ठाकरे गटाने रस्त्यावर उतरून निषेध करणार असल्याचे सांगितले. दहशतवादी कारवाई करणाऱ्या देशासोबत सामना खेळणे हा राष्ट्रीय भावनांचा अपमान आहे. ठाकरे गटाचे कार्यकर्ते संपूर्ण महाराष्ट्रात रस्त्यावर उतरून या सामन्याचा निषेध करणार असल्याचे उद्धव ठाकरे यांनी म्हटल यावरूनच मंत्री नितेश राणे यांनी प्रत्युत्तर दिले आहे. आदित्य ठाकरे हे स्वतः उद्या बुरख्यात लपून भारत आणि पाकिस्तान सामना पाहतील. त्यांचा आवाजही असा आहे की तो त्यांना फायदेशीर ठरेल. ते पाकिस्तान जिंदाबादच्या घोषणाही देतील अशी बोचरी टीका नितेश राणे यांनी केली.