SRH vs GT Match Weather: हैदराबाद - गुजरात सामना रद्द होणार! समोर आली मोठी अपडेट

आयपीएल २०२४ स्पर्धेत आज गुजरात टायटन्सचा संघ लखनऊ सुपर जायंट्स संघाला आव्हान देण्यासाठी मैदानात उतरणार आहे. हा सामना हैदराबादच्या राजीव गांधी आंतरराष्ट्रीय स्टेडियमवर रंगणार आहे. गेल्या सामन्यात गुजरात टायटन्स आणि कोलकाता नाईट रायडर्स यांच्यातील सामन्यात पावसाने हजेरी लावली होती. त्यामुळे हा सामना रद्द करण्यात आला होता. आता हैदराबादविरुद्ध होणारा सामनाही रद्द होण्याची दाट शक्यता वर्तवली जात आहे.

सनरायझर्स हैदराबादचे या हंगामातील २ सामने शिल्लक आहेत. सध्या १४ गुणांसह हा संघ चौथ्या स्थानी आहे. १८ गुणांपर्यंत पोहचायचं असेल तर हैदराबाद कुठल्याही परिस्थितीत दोन्ही सामने जिंकावे लागणार आहेत. मात्र आज होणारा सामना रद्द होऊ शकतो. असे झाल्यास गुजरात टायटन्स आणि सनरायझर्स हैदराबाद संघाला प्रत्येकी १-१ गुण दिला आहे.

हा सामना सुरू व्हायला अवघे काही तास शिल्लक राहिले आहेत. मात्र हैदराबादमध्ये जोरदार पाऊस सुरू आहे. संपूर्ण स्टेडियम कव्हर्सने झाकल्याचा व्हिडिओ सध्या सोशल मीडियावर तुफान व्हायरल होतोय. त्यामुळे हा सामना रद्द होण्याची दाट शक्यता वर्तवली जात आहे. ही सनरायझर्स हैदराबाद संघाच्या फॅन्ससाठी अत्यंत वाईट बातमी आहे.

असा राहिलाय दोन्ही संघांचा हेड टू हेड रेकॉर्ड (Head To Head Record)

आज होणारा सामना हा सनरायझर्स हैदराबादच्या होम ग्राऊंडवर होणार आहे. याचा थोडाफार फायदा हैदराबादला नक्कीच होऊ शकतो. दोकुई संघांचा एकूण रेकॉर्ड पाहिला, तर दोन्ही संघ ४ वेळेस आमने सामने आले आहेत. यादरम्यान ३ सामन्यांमध्ये गुजरात टायटन्सने बाजी मारली आहे. तर सनरायझर्स हैदराबादला केवळ एका सामन्यात विजय मिळवता आला आहे.