SRH Vs GT Highlights : गुजरातनं घरच्या मैदानावर हैदराबादला लोळवलं, SRH चा सलग चौथा पराभव

SRH Vs GT IPL 2025 : सनरायजर्स हैदराबाद विरुद्ध गुजरात टायटन्स या सामन्यामध्ये गुजरातचा विजय झाला आहे. गुजरातच्या संघाने ७ गडी राखून हैदराबादला पराभवाचे पाणी पाजले आहे. हा सनरायजर्स हैदराबादचा सलग चौथा पराभव आहे. दुसऱ्या बाजूला गुजरात टायटन्सने सलग तिसरा विजय आहे.

हैदराबादच्या राजीव गांधी आंतरराष्ट्रीय स्टेडियमवर आज सनरायजर्स हैदराबाद आणि गुजरात टायटन्स ही लढत रंगली. गुजरात संघाचा कर्णधार शुबमन गिलने टॉस जिंकला आणि पहिल्यांदा गोलंदाजी करण्याचा निर्णय घेतला. प्रथम फलंदाजी करताना सनरायजर्स हैदराबादने २० ओव्हर्समध्ये एकूण १५२ धावा केल्या.

गुजरातच्या गोलंदाजांनी सुरुवातीपासूनच सामन्यावर घट्ट पकड ठेवली. सलामीवीरांपासून ते मध्यम फळीपर्यंत प्रत्येक खेळाडू लवकर माघारी परतले. त्यातल्या त्यात नितीश कुमार रेड्डीने ३१ आणि क्लासेनने २७ धावा केल्या. शेवटच्या ओव्हरमध्ये आलेल्या कर्णधार पॅट कमिन्सचे फटकेबाजी करत २२ धावा केल्या. सिराजने ४ विकेट्स, तर प्रसिद्ध कृष्णा-साई किशोरने प्रत्येकी २-२ विकेट्स घेतल्या.

गोलंदाजीसाठी उतरल्यानंतर शमीने इनफॉर्म साई सुदर्शनची विकेट घेतली. जॉस बटलर सुद्धा शून्यावर बाद झाला. काही वेळासाठी सामना हैदराबादच्या बाजूला गेला असे म्हटले जात होते. पण त्यानंतर कर्णधार शुबमन गिल आणि वॉशिंग्टन सुंदरने खेळ सावरला. वॉशिंग्टन ४९ धावा करुन माघारी परतला. शुबमन गिलने ६१ तर रुदरफोर्टने ३५ धावा करत गुजरातला विजय मिळवून दिला.

सनरायजर्स हैदराबादची प्लेईंग 11 :

ट्रॅव्हिस हेड, अभिषेक शर्मा, इशान किशन, नितीश कुमार रेड्डी, कामिंदुने मेंडिस, हेनरिक क्लासेन, अनिकेत वर्मा, पॅट कमिन्स (कर्णधार), झीशान अन्सारी, जयदेव उनाडकट, मोहम्मद शमी.

गुजरात टायटन्सची प्लेईंग 11 :

साई सुदर्शन, शुबमन गिल (कर्णधार), जोस बटलर, शाहरुख खान, राहुल तेवतिया, वॉशिंग्टन सुंदर, राशीद खान, रविश्रीनिवासन साई किशोर, मोहम्मद सिराज, प्रसिद्ध कृष्णा, इशांत शर्मा.