भारतामध्ये इंडियन प्रीमियर लीगची धामधूम पाहायला मिळत आहे. आयपीएलची चर्चा होत असताना पाकिस्तान न्यूझीलंडकडून व्हाईटवॉश झाल्याची माहिती समोर आली आहे. पाकिस्तानचा क्रिकेट संघ न्यूझीलंड दौऱ्यावर गेला होता. न्यूझीलंड-पाकिस्तान यांच्यात तीन सामन्यांची वनडे मालिका खेळली गेली. या मालिकेतील तिन्ही सामन्यांमध्ये पाकिस्तानचा पराभव झाला.
दरम्यान न्यूझीलंड-पाकिस्तानच्या तिसऱ्या वनडे सामन्याची सोशल मीडियावर खूप चर्चा होत आहे. या सामन्यादरम्यान पाकिस्तानची फलंदाजी असताना अचानक स्टेडियमची थोड्या वेळासाठी लाईट गेली. अचानक वीज खंडित झाल्यामुळे खेळ थांबला. तेव्हाचा व्हिडीओ सोशल मीडियावर व्हायरल होत आहे.
नेमकं काय झालं?
न्यूझीलंड विरुद्ध पाकिस्तान यांच्यात तिसरा वनडे सामना बे ओव्हल स्टेडियमवर खेळला गेला. सामन्यात ३९ व्या ओव्हरमध्ये पाकिस्तानचा तय्यब ताहिर फलंदाजी करत होता. त्या वेळेस न्यूझीलंडचा वेगवान गोलंदाज जॅकब डफी गोलंदाजी करत होता. डफी गोलंदाजी करत असताना अचानक स्टेडियमची लाईट गेली आणि सगळीकडे अंधार झाला. रनअपच्या दरम्यान अचानक लाईट गेल्याने डफी मध्येच थांबला.
थोड्या वेळाने पुन्हा खेळ सुरु झाला. डफीने सेट झालेल्या तय्यब ताहिरला ३३ धावांवर बाद केले. न्यूझीलंडने पाकिस्तानच्या संघावर ४३ धावांनी मात केली आणि मालिकेमध्ये ३-० अशा आघाडीने मालिका देखील जिंकली. दरम्यान पाकिस्तानच्या पराभवासह सामन्यादरम्यानच्या घडलेल्या चित्रविचित्र घटनांची सोशल मीडियावर चर्चा होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.