Narendra Modi on Vinesh Phogat : 'तुम्ही चॅम्पियनचे चॅम्पियन आहात; विनेश फोगाट अपात्र झाल्यानंतर PM मोदी काय म्हणाले?

नवी दिल्ली : महिला कुस्तीच्या ५० किलो वजनी गटात सुवर्ण पदक मिळवायचं विनेशचं स्वप्न भंग झालं आहे. या स्पर्धेत विनेश फोगाटला अपात्र घोषित करण्यात आलं आहे. भारताने या निर्णयाचा विरोध केला आहे. विनेशचं वजन ५० किलोपेक्षा जास्त भरल्याने तिला अपात्र घोषित केले आहे. या निर्णयाचा सर्व भारतीयांना धक्का बसला आहे. यावर पंतप्रधान नरेंद्र मोदी यांनी पहिली प्रतिक्रिया दिली आहे.

पंतप्रधान नरेंद्र मोदी म्हणाले, 'तुम्ही चॅम्पियनचे चॅम्पियन आहोत. तुम्ही भारताचा अभिमान आहात. तुम्ही प्रत्येक भारतीयांसाठी आदर्श आहात. फार दु:खद प्रकार आहे. मी शब्दांतून भावना व्यक्त करू शकलो असतो. मला विश्वास आहे की, तुम्ही मोठ्या दिमाखात पुन्हा पदार्पण कराल. आम्ही तुमच्यासोबत आहोत'.

29 वर्षीय विनेश फोगाटला ५० किलो वजनी गटात अपात्र घोषित करण्यात आलं आहे. विनेशचं वजन १०० ग्रॅम अधिक असल्याने विनेशला अपात्र घोषित करण्यात आलं. यामुळे विनेशचं सुवर्णपदक जिंकण्याचं स्वप्न भंगलं आहे. विनेश फोगाटला पॅरिस ऑलिम्पिकमध्ये अपात्र केल्याची माहिती भारतीय ऑलिम्पिक संघाने दिली.

भारतीय ऑलिम्पिक संघाने म्हटलं की, 'भारतीय महिला कुस्तीपटू विनेश ५० किलो वजनीत गटात अपात्र झाली आहे. ही माहिती सांगताना दु:ख होत आहे. आज विनेशचं वजन ५० किलोपेक्षा अधिक भरलं. विनेशबाबत घेतलेल्या निर्णयावर कोणतीही प्रतिक्रिया दिली जाणार नाही'.