KL Rahul : विराट, रोहित आणि धोनीला जमलं नाही, ते केएल राहुलने करुन दाखवलं; गुजरात विरुद्धच्या सामन्यात रचला मोठा इतिहास

GT VS DC Match : गुजरात टायटन्स विरुद्ध दिल्ली कॅपिटल्स हा सामना आज अहमदाबादच्या नरेंद्र मोदी स्टेडियमवर खेळला जात आहे. शनिवारच्या डबर हेडरमधील पहिल्या सामन्यात गुजरातचा कर्णधार शुबमन गिलने टॉस जिंकला आहे आणि प्रथम गोलंदाजी करण्याचा निर्णय घेतला आहे. त्यामुळे दिल्लीचा संघ मैदानामध्ये फलंदाजी करण्यासाठी उतरणार आहे.

जॅक फ्रेझर-मॅकगर्कला दिल्लीच्या प्लेईंग ११ मधून वगळण्यात आले आहे. त्यामुळे अभिषेक पोरेल आणि करुण नायर हे दोघे मैदानात उतरले. १८ धावा करुन अभिषेक पोरेल माघारी परतला. प्रसिद्ध कृष्णाने केएल राहुलला एलबीडब्लूने आउट केले. पावर प्लेमध्ये दिल्लीच्या दोन विकेट्स पडल्या, त्यावेळेस दिल्लीची धावसंख्या ७३ इतकी होती. केएल राहुल बाद झाल्याने कर्णधार अक्षर पटेल फलंदाजीसाठी आला.

लोकेश राहुलने गुजरातच्या विरुद्ध खेळताना १४ बॉल्सवर २८ धावा केल्या. त्याचा स्ट्राईक रेट २०० इतका होता. या खेळीदरम्यान राहुलने १ षटकार आणि ४ चौकार मारले. त्याने सामन्यात दमदार षटकार मारत नवा विक्रम रचला. केएल राहुलने षटकारांचे दुहेरी शतक म्हणजेच २०० षटकार मारण्याचा इतिहास रचला आहे. आयपीएलमध्ये २०० षटकार मारणारा राहुल आठवा भारतीय आणि ओव्हरऑल पाहता अकरावा खेळाडू आहे. आयपीएलमध्ये सर्वात जलदगतीने २०० षटकार ठोकण्याच्या विक्रमाची नोंद राहुलच्या नावावल झाली आहे.

गुजरात टायटन्सची प्लेईंग ११ -

साई सुदर्शन, शुभमन गिल (कर्णधार), जोस बटलर, शाहरुख खान, राहुल तेवतिया, अरशद खान, राशिद खान, रविश्रीनिवासन साई किशोर, मोहम्मद सिराज, प्रसिद्ध कृष्णा, इशांत शर्मा

दिल्ली कॅपिटल्सची प्लेईंग ११ -

अभिषेक पोरेल, करुण नायर, केएल राहुल, अक्षर पटेल (कर्णधार), ट्रिस्टन स्टब्स, आशुतोष शर्मा, विपराज निगम, मिचेल स्टार्क, कुलदीप यादव, मोहित शर्मा, मुकेश कुमार