CSK vs SRH IPL 2025 : MS धोनी आणि काव्या मारनसाठी आज करो या मरो! CSK आणि SRHपैकी जो हरणार त्याला 'गुड बाय'; जाणून घ्या समीकरण

IPI 2025 Playoffs Qualification Scenario : चेन्नई आणि हैदराबाद या दोघांनाही उर्वरित सहा सामने जिंकावे लागतील. पण, आज यापैकी एका संघाचे परतीचे दोर कापले जातील.
Ipl 2025 Playoffs Qualification Scenario
Ipl 2025 Playoffs Qualification Scenario Saam Tv News
Published On

चेन्नई : आयपीएल २०२५च्या यंदाचा सीजन आता एका रोमांचक वळणावर पोहोचला आहे. प्लेऑफसाठीची लढाई आता रंजक बनणार आहे. काल गुरुवारी रॉयल चॅलेंजर्स बंगळुरूकडून पराभव पत्करल्यामुळे राजस्थान रॉयल्स प्लेऑफच्या शर्यतीतून बाहेर पडला आहे. आता प्लेऑफमध्ये जाण्यासाठी नऊ संघांमध्ये लढाई सुरू आहे. पण, आज शुक्रवारी चेन्नई सुपर किंग्ज आणि सनरायझर्स हैदराबाद यांच्यातील सामन्यानंतर दुसरा संघ प्लेऑफच्या शर्यतीतून बाहेर होणार आहे.

राजस्थानच्या संघाने आतापासून जरी प्रत्येक सामना जिंकला तरी त्यांचे जास्तीत जास्त १४ गुण होतील, तर सध्याच्या गुणतालिकेमध्ये असे सहा संघ आहेत जे १६ किंवा त्याहून अधिक गुणांपर्यंत पोहोचू शकतात. गुजरात टायटन्स, आरसीबी आणि दिल्ली कॅपिटल्सना १६ गुणांपर्यंत पोहोचण्यासाठी त्यांच्या उर्वरित सामन्यांपैकी फक्त दोन सामने जिंकण्याची आवश्यकता आहे.

Ipl 2025 Playoffs Qualification Scenario
बीसीसीआयने खरंच Ind vs Pak सामन्यासाठी कडक पाउलं उचलली आहेत का? ICC च्या पत्रामागील सत्य

मुंबई इंडियन्स, पंजाब किंग्ज आणि लखनौ सुपर जायंट्स यांना प्रत्येकी तीन सामने जिंकावे लागतील. कोलकाता नाईट रायडर्स त्यांच्या उर्वरित सहा सामन्यांपैकी पाच विजयांसह १६ गुणांपर्यंत पोहोचू शकतो. हैदराबाद आणि चेन्नईची परिस्थिती राजस्थानसारखीच आहे. आज पराभूत होणारा संघ जास्तीत जास्त १४ गुणांपर्यंत पोहोचू शकेल. पण, विजेत्या संघासाठी परतीचे दोर अजूनही शिल्लक असतील.

चेन्नई आणि हैदराबाद या दोघांनाही उर्वरित सहा सामने जिंकावे लागतील. पण, आज यापैकी एका संघाचे परतीचे दोर कापले जातील. आज चेपॉक येथे चेन्नई आणि हैदराबाद एकमेकांसमोर येतील आणि पराभूत संघाचा प्रवास संपेल. विजेत्या संघासाठीही पुढचा रस्ता सोपा नसेल, कारण खराब नेट रन रेट देखील अडचणीचं कारण बनू शकतो. सीएसकेचे आगामी सामने SRH, PBKS, RCB, KKR, RR आणि GT विरुद्ध आहेत. हैदराबादचे आगामी सामने CSK, GT, DC, KKR, RCB आणि LSG विरुद्ध आहेत.

Ipl 2025 Playoffs Qualification Scenario
...तो IPL च्या पुढच्या पर्वात दिसणार नाही, वीरेंद्र सेहवाग वैभव सूर्यवंशीबद्दल असं का म्हणाला?

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com