IPL 2025 Mega Auction: ना बटलर, ना स्टार्क; मेगा ऑक्शनमध्ये हा स्टार ऑलराऊंडर करणार मार्केट जाम

IPL 2025 Mega Auction, Gerald Coetzee: आगामी मेगा ऑक्शन २०२५ चा थरार येत्या २४ आणिा २५ नोव्हेंबरला सौदी अरेबियातील जेह्हादमध्ये रंगणार आहे. या ऑक्शनमध्ये केएल राहुल, रिषभ पंत, युजवेंद्र चहल, श्रेयस अय्यरसारख्या स्टार खेळाडूंवर बोली लावली जाणार आहे.

यासह जोस बटलर, क्विंटन डी कॉक आणि मिचेल स्टार्कसारखे परदेशी खेळाडू देखील ऑक्शनमध्ये असणार आहेत. दरम्यान एक असा खेळाडू आहेत, जो ऑक्शनमध्ये मार्केट जाम करु शकतो.

भारत आणि दक्षिण आफ्रिका या दोन्ही संघांमध्ये टी-२० मालिकेचा थरार सुरु आहे. या मालिकेतील दुसऱ्या सामन्यात भारतीय संघ विजयाच्या उंबरठ्यावर होता. मात्र गेराल्ड कोएत्जीने भारतीय संघाचा तोंडचा घास पळवला. गोलंदाजीत शानदार कामगिरी केल्यानंतर त्याने फलंदाजीतही योगदान दिलं. त्याने २३ धावांची महत्वपूर्ण खेळी केली. तर गोलंदाजीत ३ गडी बाद केले.

गेल्या हंगामात कोएत्जी मुंबई इंडियन्सकडून खेळताना दिसून आला होता.मुंबई इंडियन्सने त्याला ५ कोटींची बोली लावत आपल्या संघात स्थान दिलं होतं. हार्दिक पंड्याच्या नेतृत्वाखाली खेळताना त्याने १३ सामन्यांमध्ये ५ गडी बाद केले होते. मात्र आगामी हंगामापूर्वी मुंबई इंडियन्सने त्याला रिलीज करण्याचा निर्णय घेतला आहे. दरम्यान मेगा ऑक्शनमध्ये कोणता संघ त्याच्यावर मोठी बोली लावणार हे पाहणं महत्वाचं ठरणार आहे.

असा राहिलाय रेकॉर्ड

कोएत्जीच्या टी-२० क्रिकेटमधील रेकॉर्डबद्दल बोलायचं झालं, तर त्याने १० सामन्यांमध्ये १३ गडी बाद केले आहेत. तर ३ कसोटी सामन्यांमध्ये त्याला १० गडी बाद करता आले आहेत. यासह वनडे क्रिकेटमधील १४ सामन्यांमध्ये त्याला ३१ आणि ८ टी-२० आंतरराष्ट्रीय सामन्यांमध्ये १२ गडी बाद करता आले आहेत.