India vs South Africa 2nd T20I Highlights: भारत आणि दक्षिण आफ्रिका या दोन्ही संघांमध्ये ४ टी -२० सामन्यांच्या मालिकेतील दुसरा सामना पार पडला. या सामन्यात भारतीय संघाने प्रथम फलंदाजी करताना दक्षिण १२४ धावा केल्या होत्या. दक्षिण आफ्रिकेला हा सामना जिंकण्यासाठी १२५ धावा करायच्या होत्या. या आव्हानाचा पाठलाग करताना दक्षिण आफ्रिकेने ३ गडी राखून विजय मिळवला आहे.
दक्षिण आफ्रिकेला हा सामना जिंकण्यासाठी १२५ धावा करायच्या होत्या. आव्हान तसं मोठं नव्हतं. मात्र सुरुवातीला भारतीय गोलंदाजांनी दक्षिण आफ्रिकेच्या फलंदाजांना चांगलाच घाम फोडला. रिकलटन १३ धावांवर बाद होऊन माघारी परतला.
त्यानंतर रिजा हेंड्रिक्स २४ धावांवर माघारी परतला. मधल्या षटकांमध्ये दक्षिण आफ्रिकेने कमबॅक करण्याचा प्रयत्न केला. मात्र वरुण चक्रवर्तीने ५ गडी बाद करत दक्षिण आफ्रिकेला बॅकफूटवर ढकललं. शेवटी स्टब्स आणि कोएत्जीने तुफान फटकेबाजी करत संघाला विजय मिळवून दिला.
या सामन्यात दक्षिण आफ्रिकेने नाणेफेक जिंकला आणि भारतीय संघाला प्रथम फलंदाजी करण्याचं आमंत्रण दिलं. भारतीय संघाकडून प्रथम प्रथम फलंदाजी करताना हार्दिक पंड्याने सर्वाधिक ३९ धावांची खेळी केली.
तर अक्षर पटेलने २७ धावांची खेळी केली. तिलक वर्मा २० धावा करत माघारी परतला. सलामीला आलेला संजू सॅमसन शून्यावर माघारी परतला. त्यानंतर अभिषेक शर्मा ४ आणि सूर्यकुमार यादव ४ धावांवर माघारी परतला. भारतीय संघाला २० षटक अखेर ६ गडी बाद १२४ धावा करता आल्या.
भारतीय संघाकडून गोलंदाजी करताना वरुण चक्रवर्ती हा सर्वात यशस्वी गोलंदाज ठरला. त्याने ४ षटकात गोलंदाजी करताना १७ धावा खर्च करत ५ गडी बाद केले. तर रवी बिश्नोई आणि अर्शदीप सिंग यांनी प्रत्येकी १-१ गडी बाद केला
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.