India vs Pakistan सामन्याचा चेंडू आता ICC कडे; बीसीसीआयनं स्पष्टच सांगितलं- आमच्या हातात नाही...

Pahalgam Terrorist Attack : काश्मीरच्या पहलगाम येथे मंगळवारी झालेल्या दहशतवादी हल्ल्याचे पडसाद क्रिकेट विश्वावरही उमटत आहेत. भारत पाकिस्तान हे सामने यापुढे होऊ नये अशी मागणी जोर धरत आहे.
India vs Pakistan
India vs PakistanX
Published On

काश्मीर खोऱ्यातील पहलगाम येथे मंगळवारी (२२ एप्रिल) दहशतवादी हल्ला झाला. या हल्ल्याच्या पार्श्वभूमीवर भारत-पाकिस्तान किक्रेटच्या सामन्यांवर बहिष्कार टाकण्याची मागणी जोर धरु लागली आहे. २०१२ नंतर भारत आणि पाकिस्तान यांच्याही एकही द्विदेशीय क्रिकेट मालिका झालेली नाही. पण आयसीसीच्या स्पर्धांमध्ये हे दोन संघ आमनेसामने येतात. काल झालेल्या हल्ल्यानंतर भारताने आयसीसी स्पर्धांमध्येही पाकिस्तान विरुद्ध खेळू नये अशी मागणी जोर धरत आहे.

बीसीसीआयचे उपाध्यक्ष राजीव शुक्ला यांनी पहलगाम येथील हल्ल्याचा निषेध केला आणि मृतकांना श्रद्धांजली वाहिली. यापुढे कधीही भारत-पाकिस्तान द्विदेशीय मालिका होणार नसल्याचे राजीव शुक्ला यांनी सांगितले. सरकार जे काही म्हणेल, ते आम्ही करु. सरकारच्या भूमिकेमुळे आम्ही पाकिस्तानसोबत द्विदेशीय मालिका खेळणार नाही, असे वक्तव्य बीसीसीआयच्या उपाध्यक्षांनी केले.

India vs Pakistan
IPL 2025 : मुंबई इंडियन्सने अंपायरला विकत घेतलं? 'या' ३ निर्णयांवरुन उपस्थित केली जातेय शंका

जेव्हा आयसीसी स्पर्धांचा विचार केला जाईल, तेव्हा आयसीसीच्या सहभागामुळे पाकिस्तान विरुद्धचे सामने खेळावे लागतात. आयसीसीला या संघर्षाबद्दल कल्पना आहे, त्यांनी या प्रकरणावर योग्य निर्णय घ्यावा असे राजीव शुक्ला यांनी स्पोर्ट्सतकला दिलेल्या मुलाखतीमध्ये म्हटले आहे. बीसीसीआयचे सचिव देवजित सैकिया यांनीही पहलगाम हल्ल्यातील पीडितांना श्रद्धांजली अर्पण केली. मात्र, भारत विरुद्ध पाकिस्तान सामन्यांसंदर्भात त्यांनी कोणतीही प्रतिक्रिया दिली नाही.

India vs Pakistan
Hardik Pandya : आयपीएल मॅचमध्ये पहलगाम हल्ल्यातील मृतांना श्रद्धांजली, हार्दिक पंड्या का होतोय ट्रोल?

पहलगाम दहशतवादी हल्ल्याचे पडसाद क्रिकेट जगतावरही पडत आहेत. पाकिस्तान विरोधात क्रिकेटचे सामने खेळू नये अशी मागणी देशभरातून होत आहे. यावर बीसीसीआयने भारत-पाकिस्तान द्विदेशीय सामने होणार नसल्याची घोषणा केली आहे. पण भारत विरुद्ध पाकिस्तान हे सामने आयसीसीमुळे अटळ असल्याचे संकेत बीसीसीआयने अप्रत्यक्षपणे दिले आहेत.

India vs Pakistan
Pahalgam Attack : पहलगाममध्ये दहशतवादी हल्ला, पाकिस्तानच्या खेळाडूला पाकिस्तानवरच संशय; एका पोस्टने उडाली खळबळ

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com