GT VS RR : गुजरातचा विजयरथ रोखून हॅटट्रीक करणार का राजस्थान? पाहा कोणाचं पारडं जड..

GT VS RR IPL 2025 : गुजरात टायटन्स विरुद्ध राजस्थान रॉयल्स हा सामना नरेंद्र मोदी स्टेडियमवर खेळला जाणार आहे. घरच्या स्टेडियमवर गुजरातचा विजय होणार की राजस्थान विजयाची हॅटट्रीक करणार याकडे सर्वांचे लक्ष लागले आहे.
GT VS RR IPL 2025
GT VS RR IPL 2025x
Published On

GT VS RR News अहमदाबादच्या नरेंद्र मोदी स्टेडियमवर आयपीएल २०२५ मधला २३ वा सामना खेळला जाणार आहे. आजच्या सामन्यामध्ये गुजरात टायटन्स विरुद्ध राजस्थान रॉयल्स हे संघ आमने-सामने येणार आहेत. घरच्या मैदानात खेळत असल्याने गुजरातचे पारडे काही प्रमाणात जड असल्याचे म्हटले जात आहे. पण गुजरात प्रमाणे राजस्थान देखील फॉर्ममध्ये असल्याने आजचा सामना कोण जिंकणार याकडे सर्वांचे लक्ष असणार आहे.

आयपीएल २०२५ मध्ये गुजरातच्या संघाने एकूण ४ सामने खेळले आहेत. पहिल्या समान्यात पंजाबने गुजरातचा पराभव केला होता. पण दमदार कमबॅक करत गुजरात टायटन्सने पुढील तिन्ही सामने जिंकले आहेत. कर्णधार शुबमन गिल, साई सुदर्शन, जॉस बटलर यांचा चांगला फॉर्म सुरु आहे. मागच्या सामन्यात वॉशिंग्टन सुंदरच्या रुपाने गुजरातला चांगला फलंदाज मिळाला आहे. मोहम्मद सिराजसह गुजरातचे गोलंदाज देखील चांगली कामगिरी करत आहेत.

GT VS RR IPL 2025
Tilak Varma : लखनऊ विरुद्धच्या सामन्यातला 'तो' निर्णय महागात पडला, तिलक वर्मानं मोठं पाऊल उचललं, MI चं टेन्शन वाढवलं

दुसऱ्या बाजूला राजस्थान रॉयल्सने देखील ४ सामने खेळले आहेत. सुरुवातीच्या दोन सामन्यामध्ये राजस्थानला पराभवाला सामोरे जावे लागले. पण त्यांनी पुढचे दोन्ही सामने जिंकले. विजयाची हॅटट्रीक करण्यासाठी राजस्थान सज्ज आहे. यशस्वी जयस्वाल पुन्हा फॉर्ममध्ये आला आहे. रियान पराग, ध्रुव जुरेल देखील आक्रमक खेळी करत आहेत. याशिवाय राजस्थानच्या गोलंदाजी विभागामध्ये देखील सुधारणा होत असल्याचे पाहायला मिळत आहे.

GT VS RR IPL 2025
Ajinkya Rahane: मी काही बोललो तर वाद...! प्रेस कॉन्फ्रेंसनंतर कोणावर संतापला अजिंक्य रहाणे?

हेड-टू-हेड रेकॉर्ड

गुजरात टायटन्स विरुद्ध राजस्थान रॉयल्स ही लढत आयपीएलमध्ये सहा वेळा पाहायला मिळाली आहे. ६ सामन्यांपैकी ५ सामन्यांमध्ये गुजरात टायटन्सचा विजय झाला आहे. तर एक सामना राजस्थान रॉयल्सने जिंकला आहे. त्यामुळे एकूण परिस्थिती पाहता आजचा सामना गुजरातचा विजय होऊ शकतो असा अंदाज वर्तवला जात आहे.

GT VS RR IPL 2025
Tilak Varma : तिलक वर्माशिवाय मुंबई इंडियन्सचं पान हलणार नाही! Retired Out करण्यापूर्वी विचार करायला हवा होता

गुजरात टायटन्सची संभाव्य प्लेईंग 11 -

साई सुदर्शन, शुबमन गिल (कर्णधार), जोस बटलर, वॉशिंग्टन सुंदर, शेरफन रुदरफोर्ड, राहुल तेवतिया, राशिद खान, रविश्रीनिवासन साई किशोर, मोहम्मद सिराज, प्रसिद्ध कृष्णा, इशांत शर्मा.

राजस्थान रॉयल्सची संभाव्य प्लेईंग 11 -

यशस्वी जयस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरोन हेटमायर, वानिंदु हसरंगा, जोफ्रा आर्चर, महेश तीक्षना, संदीप शर्मा, तुषार देशपांडे.

GT VS RR IPL 2025
Virat Kohli: रागाने लालबुंद झाला कोहली; फिल्डिंगवेळी वानखेडेच्या मैदानात फेकली कॅप Video व्हायरल

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com