CSK vs GT : CSK चा सलग दुसरा विजय; गोलंदाजांच्या भेदक माऱ्यापुढे गुजरात टायटन्स ढेर

Csk Vs Gt Csk Win By 63 Runs :

चेन्नईच्या एम ए चिदंबरम स्टेडियमवर चेन्नई सुपर किंग्स आणि गुजरात टायटन्स संघात सामना झाला. दमदार फेटकेबाजी करत चेन्नईने दिलेल्या २०७ धावांचं आव्हान पार करताना गुजरातच्या फलंदाजांची दमछाक झाली. डोंगराएवढं आव्हान समोर असल्याचं पाहून गुजरातच्या संघाने आत्मविश्वास आधीच गमावला होता. कमी आत्मविश्वासासोबत मैदानात उतरलेल्या गुजरातचा संघ अवघ्या १४३ धावा करू शकला. गुजरातला पराभव केल्यानंतर सीएसकेचा हा सलग दुसरा विजय आहे. चेन्नईने पहिल्या सामन्यात आरसीबीला पराभूत केलं. (Latest News)

गुजरात टायटन्स संघाचा कर्णधार शुभमन गिलने नाणेफेक जिंकत क्षेत्ररक्षण करण्याचा निर्णय घेतला. गुजरातकडून फलंदाजीचं आमंत्रण आल्यानंतर सीएसकेने गुजरातसमोर २०७ धावांचे लक्ष्य ठेवले. हे आव्हान पार करताना गुजरातच्या संघाने २० षटकांत ८ गडी गमावत १४३ धावा केल्या. चेन्नईच्या गोलंदाजांनी भेदक मारा करत गुजरातच्या फलंदाजांना नाकीनऊ आणलं. मुस्तफिजुर रहमान, दीपक चहर आणि तुषार देशपांडे यांच्यासह सर्व गोलंदाजांनी गुजरातच्या फलंदाजांना मोठी खेळी करू दिली नाही. चहर, मुस्तफिझूर आणि तुषार देशपांडे यांनी प्रत्येकी २ बळी घेतले. मथिसा पाथिराना आणि डॅरेल मिशेल यांना १-१ विकेट मिळाल्या.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गुजरातकडून साई सुदर्शनने सर्वाधिक ३७ धावा केल्या. वृद्धिमान साहा आणि डेव्हिड मिलरने २१-२१ धावा केल्या. विजय शंकर १२ धावा करून बाद झाला तर अजमतुल्ला ओमरझाई ११ धावा करून बाद झाला. राहुल तेवतिया ६ धावा करून बाद झाला तर राशिद खान १ धावा करून बाद झाला. उमेश यादव १० धावा केल्यानंतर नाबाद राहिला आणि स्पेन्सर जॉन्सन ५ धावा केल्यानंतरही नाबाद राहिला.

शिवम दुबेने २३ चेंडूत ५१ धावा केल्या. ऋतुराज गायकवाड आणि रचिन रवींद्र यांनी ४६-४६ धावा केल्या. शेवटच्या षटकात समीर रिझवीने पहिला आयपीएल सामना खेळताना कमाल केली. रिझवीने ६ चेंडूत १४ धावा केल्या. आयपीएल कारकिर्दीतील पहिल्याच चेंडूवर त्याने षटकार ठोकला. गुजरातकडून राशिद खानने २ बळी घेतले.