आयपीएल २०२५ स्पर्धेत आज होणाऱ्या सामन्यात लखनऊ सुपर जायंट्स आणि दिल्ली कॅपिटल्स हे दोन्ही संघ आमनेसामने येणार आहेत. या दोन्ही संघांमध्ये अटीतटीची लढत पाहायला मिळू शकते.
दरम्यान या सामन्यापूर्वीच लखनऊ सुपर जांयट्स संघाला मोठा धक्का बसला आहे. लखनऊ सुपर जायंट्स संघाचे हेड कोच जस्टीन लँगर यांनी मयांक यादव पुन्हा एकदा दुखापतग्रस्त झाल्याची माहिती दिली आहे. मयांकच्या बोटाला दुखापत झाला आहे. त्यामुळे त्याचं आयपीएल २०२५ स्पर्धेतील कमबॅक आणखी लांबणीवर गेलं आहे.
जस्टीन लँगर यांनी पत्रकार परिषदेत बोलताना म्हटले की, 'गेल्या हंगामात मयांकने आपल्या शानदार गोलंदाजीने सर्वांचं लक्ष वेधून घेतलं होतं. आम्ही त्याच्या कमबॅकची आतुरतेने वाट पाहतोय. मात्र त्याच्या बोटाला दुखापत झाली आहे. त्यामुळे त्याच्या बोटाला इन्फेक्शन झालं आहे. त्यामुळे त्याला रिहॅबसाठी १ ते २ आठवड्यांचा अवधी लागणार आहे. आनंदाची बातमी म्हणजे, तो फिट आहे आणि रनिंग करतोय. मी कालच त्याचा व्हिडिओ पाहिला, तो स्पर्धेतील शेवटच्या सामन्यांपर्यंत फिट होऊ शकतो.' मयांक यादव गेल्या काही महिन्यांपासून मैदानापासून दूर आहे. मात्र कोच जस्टीन लँगरला विश्वास आहे की, तो लवकरच मैदानावर कमबॅक करु शकतो.
लखनऊ सुपर जायंट्स संघाकडून रिषभ पंत पहिल्यांदाच संघाचं नेतृत्व करताना दिसून येणार आहे. तर गेल्या हंगामात लखनऊचं नेतृत्व करणारा केएल राहुल यावेळी दिल्लीकडून खेळताना दिसून येणार आहे.
या सामन्यासाठी अशी असू शकते लखनऊची प्लेइंग ११:
जॅक फ्रेजर-मॅकगर्क, केएल राहुल, फाफ डु प्लेसिस, अभिषेक पोरेल (यष्टीरक्षक), अक्षर पटेल (कर्णधार), ट्रिस्टन स्टब्स, मिशेल स्टार्क, कुलदीप यादव, मुकेश कुमार, मोहित शर्मा आणि टी नटराजन.
इम्पॅक्ट प्लेयर- आशुतोष शर्मा
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.