RCB च्या मॅचविनर खेळाडूवर बंदी, बीसीसीआयची कारवाई; नेमकं काय प्रकरण?

IPL Final 2026: आयपीएल 2026 फायनलदरम्यान झालेल्या शिस्तभंगाच्या घटनेनंतर टिम डेविडवर एका सामन्याची बंदी घालण्यात आली आहे. डिमेरिट गुणांची मर्यादा पूर्ण झाल्याने आरसीबीचा स्टार फलंदाज आयपीएल 2027 च्या पहिल्या सामन्यात खेळू शकणार नाही.
tim david BCCI Takes Action
tim david BCCI Takes Actionsaam tv
Published On

आयपीएल 2026 चे विजेतेपद पटकावल्यानंतर रॉयल चॅलेंजर्स बेंगळुरूच्या चाहत्यांमध्ये आनंदाचं वातावरण आहे. मात्र या जल्लोषादरम्यान टीमसाठी एक धक्कादायक बातमी समोर आलीये. संघाचा स्फोटक फलंदाज टिम डेविड याच्यावर आयपीएलने एका सामन्याची बंदी घातली असून त्यामुळे तो आयपीएल 2027 मधील पहिल्या सामन्यात खेळू शकणार नाही.

सोमवारी आयपीएलने याबाबत अधिकृत माहिती दिली. जारी करण्यात आलेल्या निवेदनानुसार, टिम डेविड याच्यावर सामन्याच्या मानधनाच्या 50 टक्के इतका दंड ठोठावण्यात आलाय. याशिवाय त्याच्या खात्यात आणखी दोन डिमेरिट गुणांची भर पडली आहे. आचारसंहितेतील कलम 2.9 चे उल्लंघन केल्याप्रकरणी त्याला दोषी ठरवण्यात आलंय.

tim david BCCI Takes Action
Vaibhav Sooryavanshi: जिंकली आरसीबी, हवा मात्र वैभवची; मिळाले 5 अवॉर्ड्स, लाखो रूपये आणि नवी कोरी कार

या नियमांनुसार सामना सुरू असताना खेळाडू, पंच, टीम अधिकारी किंवा इतर कोणत्याही व्यक्तीच्या दिशेने क्रिकेट साहित्य किंवा इतर वस्तू अयोग्य पद्धतीने फेकणं हा गंभीर शिस्तभंग मानला जातो.

कधी घडली ही घटना?

ही घटना अहमदाबादच्या नरेंद्र मोदी स्टेडियमवर झालेल्या आयपीएल 2026 च्या फायनल सामन्यात घडली होती. गुजरात टायटन्सविरुद्धच्या या लढतीत पहिल्या डावातील दहाव्या ओव्हरमध्ये विकेट पडल्यावर टिम डेविडने पंच नितीन मेनन यांच्या दिशेने आइस बॅग फेकली होती. टिमच्या या कृत्याला आयपीएलने गैरवर्तन मानलं आणि त्यानंतर त्याच्यावर आता कारवाई करण्यात आलीये.

विशेष म्हणजे, टिम डेविडने स्वतःची चूक मान्य केली असून सामना रेफरी जवागळ श्रीनाथ यांनी सुनावलेली शिक्षा स्वीकारल्यामुळे या प्रकरणात पुढील सुनावणीची गरज भासलेली नाही.

tim david BCCI Takes Action
IPL 2026: बटलर-गिलची अर्धशतकी खेळी; गुजरात टायटन्सचा लखनौवर ७ गडी राखून दणदणीत विजय

बंदीमागील नेमकं कारण काय?

अनेक क्रिकेट चाहत्यांच्या मनात एका चुकीसाठी थेट एका सामन्याची बंदी का घालण्यात आली, असा प्रश्न निर्माण होऊ शकतो. मात्र यामागे डिमेरिट गुणांची सिस्टीम कारणीभूत आहे. यंदाच्या सिझनमध्ये टिम डेविडची ही तिसरी शिस्तभंगाची घटना ठरली. यापूर्वी स्पर्धेतील 20व्या सामन्यात त्याला एक डिमेरिट गुण देण्यात आला होता. त्यानंतर 54व्या सामन्यात त्याच्या खात्यात आणखी दोन गुण जमा झाले होते.

फायनल सामन्यातील या घटनेनंतर मिळालेल्या दोन पॉईंट्ससह त्याचं एकूण डिमेरिट गुण पाच झालेत. आयपीएलच्या नियमांनुसार एखाद्या खेळाडूचे पाच डिमेरिट गुण पूर्ण होताच त्याच्यावर एका सामन्याचे निलंबन लागू होतं.

tim david BCCI Takes Action
IPL फायनल हरल्यानंतर गुजरात टायटन्ससोबत मोठी दुर्घटना; भररस्त्यात टीमच्या बसला लागली आग, उडाली एकच खळबळ

या निर्णयाचा थेट परिणाम आयपीएल 2027 च्या सुरुवातीला दिसणार आहे. पुढील सिझनमध्ये टिम डेविड आरसीबीकडून खेळत राहिला तर तो टीमच्या पहिल्या सामन्यासाठी उपलब्ध नसणार आहे. तसंच भविष्यात तो दुसऱ्या कोणत्याही फ्रँचायझीकडून खेळला तरी त्या टीमच्या पहिल्या सामन्यात त्याला मैदानाबाहेरच बसावं लागणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com