Iran Israel Conflict : इराणच्या एका क्षेपणास्त्रात ८० बॉम्ब, इस्रायलवर मोठा प्रहार, क्लस्टर बॉम्ब नेमका काय आहे?

Iran Israel conflict, cluster bomb attack : इराणनं इस्रायलवर भयंकर अशा क्लस्टर बॉम्बचा हल्ला केलाय...मात्र क्लस्टर बॉम्ब किती विध्वंसक आहे... आणि या बॉम्बमुळे इराणची शस्त्रसज्जता कशी वाढलीय.. पाहूयात या स्पेशल रिपोर्टमधून...

इराणनं इस्त्रायल-अमेरिकेला अक्षरशः जेरीस आणलंय. इराणच्या अनपेक्षित प्रतिकारानं अमेरिकेलाही बुचकळ्यात टाकलंय. कारण इराण दररोज हल्ल्याची नवनवीन रणनीती आखत आहे. आता तर इराणनं आपल्या भात्यातलं नवं शस्त्र बाहेर काढलंय. आणि हे आहे क्लस्टर बॉम्ब...इराणनं इस्रायलवर थेट क्लस्टर बॉम्बचा हल्ला चढवलाय़. त्यामुळे युद्धाची धग कमी होण्याऐवजी आणखीनच वाढलीय. इराणनं थेट या क्लस्टर बॉम्ब हल्ल्याचा व्हिडिओ जारी केलाय.

इराणनं इस्त्रायलविरोधात वापरलेला क्लस्टर बॉम्ब नेमका काय आहे, हे ते पाहूयात...

काय आहे क्लस्टर बॉम्ब? -

क्लस्टर बॉम्ब हे क्षेपणास्त्राद्वारे डागले जातात

क्षेपणास्त्र जमिनीवर आदळण्यापूर्वीच हवेतच फुटतं

त्यातून 80 बॉम्ब बाहेर फेकले जातात

महत्त्वाचं म्हणजे, इराणकडून क्लस्टर बॉम्ब वापरण्याची ही पहिलीच वेळ नाहीये. याआधी इराणनं 19 जून 2025 ला इराणनं इस्रायलवर सुमारे २० बॅलिस्टिक क्षेपणास्त्रे डागली होती, त्यातील एकामध्ये क्लस्टर बॉम्ब वॉरहेड होते. हे क्लस्टर बॉम्ब किची धोकादायक आहेत ते पाहूयात....

क्लस्टर बॉम्ब किती धोकादायक?

क्लस्टर बॉम्ब दीर्घकालीन परिणामांमुळे अत्यंत धोकादायक

एकाच क्षेपणास्त्राने सोडलेले 80 बॉम्ब तब्बल 10 किमी परिसराचं नुकसान करतात

क्लस्टर बॉम्बमध्ये अचूकता नसली तरी मोठं नुकसान करतात

क्लस्टर बॉम्बमुळे मोठी जीवितहानी होण्याची शक्यता असते.

120 हून अधिक देशांमध्ये क्लस्टर बॉम्ब वापरावर बंदी

खरं तर क्लस्टर बॉम्बमुळे इमारतींचे जास्त नुकसान होत नसलं तरी मनुष्यहानी मोठ्या प्रमाणावर होते, असा एका अहवालातून समोर आलंय. विशेष म्हणजे, क्लस्टर बॉम्बच्या वापरावर बंदी घातलेल्या 120 हून अधिक देशांमध्ये इस्रायल, अमेरिका आणि इराण या देशांचा समावेश नाहीये. त्यामुळे इराणनं याचाच फायदा उचलत इस्रायलवर क्लस्टर बॉम्बचा हल्ला चढवलाय.