युद्ध पुन्हा पेटणार? ट्रम्पची शरणागती अमान्य; इराणनं शस्त्रसंधी फेटाळून लावली

रोहित कदम

इराण-अमेरिका यांच्यातील शांतता चर्चा पुन्हा एकदा फिसकटली. इतकंच नाहीतर इराणनं अमेरिकेचा प्रस्तावदेखील धुडकावून लावलंय. त्यामुळे डोनाल्ड ट्रम्प नरमले असले तरी इराणचा आक्रमक पवित्रा कायम आहे, पाहूयात एक स्पेशल रिपोर्ट...

इराण-अमेरिका यांच्यातील संघर्ष पुन्हा पेटण्याची चिन्हे आहेत. इस्लामाबादमधील शांतता चर्चेला इराणनं केराची टोपली दाखवलीये. इराण होर्मुझवरील नियंत्रण कायम ठेवण्यासाठी इरेला पेटलाय. त्यातच आता इराण चर्चेला उपस्थित न राहिल्यानं ट्रम्प यांच्यावर शांतता चर्चा पुढे ढकलण्याची नामुष्की ओढावलीये. इतकंच नाहीतर इराणनं आक्रमक पवित्रा कायम ठेवत अमेरिकेची शस्त्रसंधी धुडकावून लावलीये.

शस्त्रसंधी इराणनं फेटाळली

अमेरिकेची शस्त्रसंधी इराणच्या संसद अध्यक्षाचे सल्लागार महदी मोहम्मदी यांनी फेटाळून लावलीये. इतकंच नाहीतर हारलेला देश अटी लादू शकत नाहीत, अस म्हणत इराणनं अमेरिकेला डिवचलंय. तसंच, पराभूत मानसिकता असलेले दुसऱ्यांवर अटी लादू शकत नाही. तसंच, शस्त्रसंधीची घोषणा आमच्यासाठी काहीच नाही. अमेरिकेकडून सुरू असलेली कोंडी बॉम्ब वर्षावच आहे. या कोंडीविरुद्ध युद्ध सुरूच ठेवले पाहिजे, असं इराणने ठणकावुन सांगितलंय.

खरंतर, इराणनं आक्रमक पवित्रा कायम ठेवला असला तरी डोनाल्ड ट्रम्प इराणच्या प्रस्तावाची वाट पाहताहेत. मात्र, होर्मुझच्या जलमार्गातून नाकेबंदी सुरूच ठेवण्याचे आदेश ट्रम्प यांनी कायम ठेवलेत. त्यामुळे होर्मुझमधील सागरी नाकेबंदीवरून दोन्ही देशांतील तणाव सुरूच आहे. एव्हंढच नाहीतर ट्रम्प यांची शरणागती म्हणजे अचानक मोठा हल्ला करण्याचा कुटील डाव असल्याची भीतीही इराणनं व्यक्त केलीये. त्यामुळे इराण-अमेरिका यांच्यातील शांततेचा मार्ग आता अधिक खडतर होत चाललाय. अशावेळी इराणनं अमेरिकेचा प्रस्ताव फेटाळल्यानं पुन्हा युद्धाला तोंड फुटणार का ? आणि या युद्धाच्या आगीत आखाती देश पुन्हा एकदा होरपळणार का ? याकडे जगाचं लक्ष लागलंय.

ब्युरो रिपोर्ट, साम टिव्ही न्यूज