Tejashwi Yadav: मुख्यमंत्रिपदाचा उमेदवार पराभवाच्या छायेत, तेजस्वी यादव पिछाडीवर; RJD ची अवस्था बिकट

Summary:

• बिहार विधानसभा निवडणुक निकालाच्या मतमोजणीमध्ये NDA आघाडीवर

• B JP राज्यातील सर्वात मोठा पक्ष बनत असल्याचे संकेत

• एनडीएला २४३ पैकी १२२ जागांवर बहुमत मिळाले

• महाआघाडीचे मुख्यमंत्रिपदाचे उमेदवार तेजस्वी यादव हे पिछाडीवर आहेत

बिहार विधानसभा निवडणुकीचा निकाल जाहीर होण्यास अवघे काही तास शिल्लक राहिले आहेत. मतमोजणी सुरू असून आतापर्यंतच्या कलानुसार बिहारमध्ये एनडीए आघाडीवर आहे. एनडीएने बहुमताचा आकडा पार केला असून ते १८८ जागांवर आघाडीवर आहेत. त्यामुळे बिहारमध्ये पुन्हा एनडीएचे सरकार येण्याची शक्यता वर्तवली जात आहे. आतापर्यंतच्या कलानुसार एनडीएने आरजेडीचा सुपडा साफ केला. आरजेडीला बालेकिल्ल्यातच भाजपने मोठा धक्का दिला आहे.

महाआघाडीचे मुख्यमंत्रिपदाचे उमेदवार पराभवाच्या छायेत आहे. आरजेडीचे नेते तेजस्वी यादव पिछाडीवर आहेत. आरजेडीचा बालेकिल्ला असलेल्या राघोपुरमध्ये तेजस्वी यादव हे पिछाडीवर आहेत. भाजपचे उमेदवार सतीश कुमार हे आघाडीवर आहेत. तेजस्वी यादव यांना भाजपचे उमदेवार सतीश कुमार यांनी मागे टाकले आहे. हा तेजस्वी यादव यांच्यासाठी धक्का मानला जात आहे. तेजस्वी यादव हे ३०१६ मतांनी पिछाडीवर आहेत.

कोण कुठे आघाडीवर?

एनडीए - १९३

भाजप - ८७

जदयू - ७६

एलजेपी - १९

इतर - ६

महाआघाडी - ५२

आरजेडी - ३७

काँग्रेस - ६

इतर - ८

दरम्यान, लालू प्रसाद यादव यांच्या दोन्ही मुलांनी निवडणूक लढवली. तेजस्वी यादव आणि तेजप्रताप यादव हे दोघेही पिछाडीवर आहेत. तेजस्वी यादव बिहारच्या राघोपुर मतदारसंघातून तिसऱ्यांदा निवडणूक लढवत आहेत. याठिकाणी भाजपचे उमेदवार सतीश यादव हे निवडणुकीच्या रिंगणात आहेत. तेजस्वी यादव आणि सतीश यादव यांच्यामध्ये काँटे की टक्कर सुरू आहे. इथे कोण बाजी मारेल? हे चित्र काही तासांत स्पष्ट होईल.