नवऱ्याला गर्लफ्रेंडसोबत लॉजवर रंगेहाथ पकडलं, बायकोचा रौद्रावतार पाहून तरूणाची खाडीत उडी

मुंबईतून एक धक्कादायक बातमी समोर येत आहे. ठाण्यातील एका रिक्षाचालकाचे विवाहबाह्य संबंध उघड झाल्यानंतर संतप्त पत्नीने थेट लॉजवर धाड टाकली. या प्रकारानंतर अपमानित झालेल्या पतीनं बुधवारी मध्यरात्री ऐरोली खाडी पुलावरून उडी मारत आत्महत्येचा प्रयत्न केला. मात्र, गुरूवारी सकाळी तो खाडीतील गाळात अडकलेल्या अवस्थेत जिवंत आढळून आला. या घटनेनंतर परिसरात खळबळ उडाली आहे.

रिक्षाचालक हा ठाण्यातील रहिवासी आहे. रिक्षाचालक परस्त्रीच्या प्रेमात पडले होते. पत्नीला याची माहिती मिळताच त्यांचा संशय बळावत गेला. त्यांनी पतीवर पाळत ठेवली. पती परस्त्रीसोबत लॉजवर जात असल्याचं समजताच पत्नीनं पतीचा पाठलाग केला. पतीनं या दरम्यान, दोघांना रंगेहाथ पकडलं. संतप्त पत्नीने त्याच ठिकाणी पतीला जाब विचारला.

अपमानित झाल्यानंतर पतीनं टोकाचं पाऊल उचलल्याचं ठरवलं. अपमानित झाल्यानंतर रिक्षाचालक थेट मध्यरात्रीच्या सुमारास ऐरोली खाडीवर पोहोचला. तेथून त्यानं पत्नीला फोन केला, चुक झाल्याची कबुली दिली. 'आत्महत्या करतोय' असं सांगत त्यांनं फोन ठेवला. तसेच खाडीतून उडी मारली.

काही वेळातच रिक्षा चालकाच्या कुटुंबाने पोलिसांकडे धाव घेतली. पोलिसांना याची माहिती दिली. रबाळे पोलीस, ऐरोली पोलीस आणि अग्निशमन दलाने घटनास्थळी धाव घेतली. शोधमोहिम राबवली. मात्र, रिक्षा चालक काही सापडला नाही. गुरूवारी सकाळी रिक्षाचालक खाडीतील गाळात सापडला. पोलिसांनी त्याला बाहेर काढले. या घटनेनंतर परिसरात खळबळ उडाली आहे.