Pratap Sarnaik : वातावरण तापले! प्रताप सरनाईकांना पाहून मोर्चामध्ये ५० खोक्याच्या घोषणा, आल्या पावली माघारी परतले

Pratap Sarnaik MNS Mira Bhayandar Morcha : मीरा भाईंदरमध्ये मनसे, ठाकरे सेनासह मराठी एकीकरण समितीच्या कार्यकर्त्यांनी मराठीच्या मुद्द्यावरून मोर्चाचं आयोजन केलं आहे. मात्र, या मोर्चाला परवानगी नाकारली होती. आदोलनानंतर आता परवानगी मिळाली आहे. पण पोलिसांकडून कार्यकर्त्यांची धरपकड सुरू आहे. यावर एकनाथ शिंदेंच्या शिवसेनेचे नेते प्रताप सरनाईक यांनी तीव्र नाराजी व्यक्त केली आहे. मराठी मोर्चाला परवानगी नाकारल्यामुळे प्रताप सरनाईक आक्रमक झाले असून त्यांनी गृहमंत्रालय आणि पोलिसांवर प्रश्न उपस्थित केला आहे. त्याशिवाय मी स्वत: मोर्चामध्ये सहभागी होण्यास जाणार आहे, हिंमत असेल तर अडवा असे आव्हान पोलिसांना त्यांनी दिले. प्रताप सरनाईक स्वत: मोर्चामध्ये सहभागी झाले. पण आंदोलनकर्त्यांच्या रोषामुळे त्यांना काढता पाय घ्यावा लागला.

आंदोलनकर्त्यांकडून प्रताप सरनाईक यांना विरोध करण्यात आला. काही काळासाठी आंदोलनाच्या ठिकाणाचे वातावरण तापले आहे. प्रताप सरनाईक यांच्यासमोर यांच्यासमोर ५० खोके एकदम ओके अशा घोषणा देण्यात आल्या. प्रताप सरनाईकांना मोठ्या प्रमाणात विरोधाचा सामना करावा लागला. आंदोलनकर्त्यांनी सरनाईक गो बॅक अशा घोषणाही देण्यात आल्या. जय गुजरात म्हणत आंदोलनकर्त्यांनी सरनाईकांना डिवचले. आंदोलनकर्त्यांचा रोष पाहून सरनाईक यांना अंदोलनस्थळाहून माघारी परतावे लागले.

मंत्री प्रताप सरनाईक यांच्या वक्तव्यामुळे अनेकांच्या भुवया उंचवाल्या आहेत. प्रताप सरनाईक यांनी मोर्चामध्ये आलेल्या आंदोलनकर्त्यांची धरपकड सुरू केल्यामुळेही आपला राग आणि संताप व्यक्त केला आहे. रात्री बेरात्री घरात घुसून धरपकड का? असा सवाल सरनाईक यांनी उपस्थित केला आहे. मोर्चाला परवानगी नाकारण्याचे गृहखात्याचे आदेश नसल्याचा दावाही त्यांनी केला आहे. पोलिसांनी कुणा एका पक्षाचा अजेंडा चालवू नये, असा हल्लाबोल प्रताप सरनाईक यांनी केला आहे.

बालाजी हॉटेलपासून मीरा रोड स्टेशनपर्यंत आज मोर्चा काढण्यात येणार होता. पण या मोर्चाला पोलिसांनी परवानगी नाकारली, पम आंदोलनकर्ते मोर्चावर ठाम राहिले. त्यामुळे पहाटेच पोलिसांनी मनसे नेते आणि कार्यकर्त्यांना ताब्यात घेतले. त्याशिवाय मोर्चाच्या ठिकाणी आलेल्या कार्यकर्त्यांनाही पोलिसांनी ताब्यात घेतले. आंदोलनकर्त्यांना ताब्यात घेतल्यामुळे प्रताप सरनाईक यांनी संताप व्यक्त केला. मोर्चाला परवानगी का दिली नाही? असा सवाल त्यांनी उपस्थित केला. प्रताप सरनाईक हे स्वत: मोर्चामध्ये सहभागी झाले आहेत.