चाेरट्यांचा पाचव्यांदा लाखाेंच्या दारुवर डल्ला; Beer Bar मालकाची चिंता वाढली

पंढरपूर : सांगोला (sangola) तालुक्यातील महूद (mahud) येथील एका परमिट रूम आणि बिअर बारमधून (permit room and beer bar) अज्ञात चोरट्यांनी विविध कंपन्यांची सुमारे एक लाख रुपये किंमतीची दारू (liquor) पळवून नेली आहे. ही घटना आज (शुक्रवार) पहाटेच्या सुमारास घडली आहे. (Pandharpur latest Marathi news)

महूद येथे अशोक येडगे यांच्या मालकीच्या परमिट रूम आणि बिअर बार, हाॅटेल आहे. त्याचे शटर उचकटून चाेरट्यांनी दारु पळविल्याचे येडगे यांना हाॅटेल उघडण्यासाठी आले असता लक्षात आले.

येडगे यांनी या प्रकरणी सांगोला पोलिस ठाण्यात तक्रार दिली आहे. दरम्यान यापूर्वी चार वेळा याच हाॅटेलमध्ये दारू चोरीच्या घटना घडल्या आहेत. महूद परिसरात चोरीच्या (theft) घटना वाढल्याने नागरिक चिंता व्यक्त करु लागले आहेत.

Edited By : Siddharth Latkar