स्वत:ला वाचविण्यासाठी पाेलिसांनी केला गाेळीबार; गुंड दिलीप डाखोरे जखमी

नांदेड : नांदेड (nanded) येथे फौजदाराची बंदुक हिसकावून पोलिसांवर बंदुक रोखणाऱ्या एकास पोलिस निरीक्षक द्वारकादास चिखलीकर यांनी गोळीबार करुन पकडले. या गोळीबारात संबंधितास पायाला गोळी लागली आहे. हा थरार गुरुवारी रात्री साडे अकराच्या सुमारास लोहा येथे घडला. दिलीप डाखोरे असे पकडण्यात आलेल्या संशयित आरोपीचे नाव आहे अशी माहिती पाेलीसांनी (police) दिली. (nanded latest marathi news)

याबाबतची अधिक माहिती अशी : ३० एप्रिलला तुप्पा येथे दिलीप डाखोरे याने सतिश कसबे याच्यावर गोळीबार केला होता. गोळी लागली नसल्याने त्याच्यावर हल्ला करुन डाखाेरे फरार झाला होता. त्यास स्थानिक गुन्हे शाखेच्या पथकाने गुरुवारी परभणी (parbhani) जिल्ह्यातील पालम (palam) येथून ताब्यात घेतले आणि लोहा येथे आणले.

तेथे डाखोरे याची चौकशी करत असताना फौजदाराच्या कंबरेची बंदुक डाखोरेने हिसाकावून घेतली. त्याने पोलिसांवर बंदुक रोखत पळून जाण्याच्या प्रयत्न केला. त्यावेळी पोलिस निरीक्षक चिखलीकर यांनी डाखोरे याला बंदुक देऊन पोलिसांच्या स्वाधीन होण्याचे आवाहन केले. परंतु ताे ऐकत नाही आणि आक्रमक हाेत असल्याचे लक्षात येताच अखेर डाखोरेच्या पायावर चिखलीकर यांनी गोळी झाडली. यात डाखोरे जखमी झाला. डाखोरेवर अनेक गंभीर स्वरूपाचे गुन्हे असून तो बिगानिया गँगचा सदस्य असल्याची माहिती प्रमोदकुमार शेवाळे (पोलीस अधीक्षक, नांदेड) यांनी दिली.

Edited By : Siddharth Latkar