आंदोलनानंतर बँकांची मराठींसाठी मेगाभरती? काय आहे व्हायरल मेसेजमागचं सत्य?

संदीप चव्हाण, साम टिव्ही

महाराष्ट्रात बँकेत आता मराठींसाठी मेगा भरती होणार आहे...तसा मेसेजही व्हायरल होतोय...लोकल बँक ऑफिसर म्हणून आता स्थानिकांना नोकरी दिली जातेय...हा मेसेज व्हायरल होत असल्याने अनेक गरजूंना यामुळे फायदा होणार आहे...? पण, व्हायरल होत असलेला मेसेज खरा आहे का...? सध्या मराठी हिंदी वाद पेटलाय...त्यामुळे चुकीचा मेसेजही व्हायरल होऊ शकतो...याची सत्यता जाणून सत्य माहिती दाखवणं गरजेचं आहे...त्यामुळे आम्ही या मेसेजची पडताळणी सुरू केली...त्याआधी मेसेजमध्ये काय दावा केलाय पाहुयात...

व्हायरल मेसेज

बँक ऑफ बडोदामध्ये लोकल बँक ऑफिसर यामध्ये मराठी भाषेसाठी 485 रिक्त जागा आहेत. या पदासाठी योग्य असणाऱ्या सर्व मराठी मुलांपर्यंत ही जाहिरात पोचवा. हा मेसेज व्हायरल झाल्याने याबाबत माहिती मिळवण्यासाठी आमच्या टीमने थेट बडोदा बँकेशी संपर्क साधला...त्यावेळी आम्हाला या जाहिरातीसंदर्भात माहिती मिळाली...पण, लोकल बँक ऑफिसरचं काय काम असतं हे आम्ही अर्थतज्ज्ञांकडून जाणून घेतलं...

व्हायरल सत्य

बडोदा बँकेच्या नावाने व्हायरल होणारा मेसेज खरा

लोकल बँक ऑफिसर पदासाठी 485 रिक्त जागा

मान्यताप्राप्त विद्यापीठातून कोणत्याही शाखेतून पदवी असावी

उमेदवाराला मराठी बोलता, लिहता यायला हवं

रिझव्ह बँकेच्या शेड्युल यादीतील बँकेत 1 वर्षाचा अनुभव हवा

बँक ऑफ बडोदा बँकेनं देशभरात 2500 नोकऱ्या उपलब्ध केल्यायत. त्यासाठी प्रत्येक राज्यातील स्थानिकांना प्राधान्य देण्यात आलंय. महाराष्ट्रात मराठी येणाऱ्यांसाठी 485 नोकऱ्या उपलब्ध आहेत. यासाठी अर्ज भरण्यासाठी 24 जुलैपर्यंत वेळ देण्यात आलीय. बँकेच्या ऑफिशिएल वेबसाईटवर सर्व माहिती उपलब्ध आहे. त्यामुळे आमच्या पडताळणीत बँकेनं मराठींसाठी भरती काढल्याचा दावा सत्य ठरलाय.