- रणजीत माजगांवकर
वर्षानुवर्ष कोल्हापूरच्या हद्दवाढीच्या प्रस्तावाला अद्याप सरकार न्याय देऊ शकले नाही. त्यामुळे मुख्यमंत्री एकनाथ शिंदे यांना काेल्हापूर दाै-यात काळे झेंडे दाखविले जातील अशी माहिती कोल्हापूर शहर हद्दवाढ कृती समितीचे निमंत्रक प्रवीण इंदुलकर यांनी दिली. दरम्यान काेल्हापूरच्या हद्दवाढीच्या मागणीसाठी येत्या 27 जूनला काेल्हापूर बंदची हाकही देण्यात आली आहे.
मुख्यमंत्री एकनाथ शिंदे हे 25 जूनपासून काेल्हापूर दाै-यावर येत आहे. मुख्यमंत्र्यांच्या दाै-याच्या पार्श्वभूमीवर काेल्हापूरात रिक्षा व्यावसायिकांनी त्यांच्या मागण्यांकडे लक्ष वेधण्यासाठी 25 जूनला शहरातील रिक्षा व्यवसाय बंद ठेवण्याची घाेषणा केली आहे.
त्यापाठाेपाठ आता कोल्हापूर शहर हद्दवाढ कृती समितीने देखील मुख्यमंत्र्यांच्या दाै-यात हद्दवाढीच्या मागणीकडे लक्ष वेधण्यासाठी आंदाेलनाची तयारी सुरु केली आहे. कोल्हापूर शहर हद्दवाढ कृती समितीचे निमंत्रक प्रवीण इंदुलकर म्हणाले सन 1946 पासून कोल्हापुरची हद्दवाढ रखडली आहे.
सन 2001 कालावधीत सध्याचे मुख्यमंत्र्यानी महापालिकेला हद्दवाढीचा प्रस्ताव मागितला हाेता. हा प्रस्ताव अद्याप मंजूर झालेला नाही. तत्कालीन पालकमंत्री दीपक केसरकर, सध्याचे उपमुख्यमंत्री अजित पवार यांनी देखील काेल्हापूरच्या हद्दवाढीच्या केवळ वलग्ना केल्याचे इंदुलकर यांनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
