पालघर रेल्वे स्थानकावरून धक्कादायक घटना समोर.
एका महिलेचा लोकल पकडताना पाय घसरला.
प्रवाशाच्या प्रसंगावधानामुळे महिलेचे प्राण वाचले.
एका ठिकाणाहून दुसऱ्या ठिकाणी पोहोचण्यासाठी आपण लोकलने प्रवास करतो. विशेषत: ऑफिसला वेळेत पोहोचण्यासाठी प्रवासी जीव मुठीत धरून दररोज गर्दीतून प्रवास करतात. तर, काहींचा लोकल पकडताना अपघात होतो. असाच एक प्रकार पालघरमधून समोर आलाय. धावती लोकल पकडताना एका महिलेचा अपघात घडणार होता, पण प्रसंगावधान दाखवून एका प्रवाशानं महिलेचे प्राण वाचवले.
प्रकाश जाधव असे महिलेचा जीव वाचवणाऱ्या व्यक्तीचे नाव आहे. शनिवारी पालघर रेल्वे स्थानक प्लॅटफॉर्म नंबर १ वर ही अपघाताची घटना घडली. याघटनेचा सीसीटीव्ही फुटेजही समोर आला आहे. या सीसीटीव्ही फुटेजमध्ये महिला धावती लोकल पकडत असताना दिसत आहे. मात्र, अचानक तिचा तोल जातो आणि महिला खाली पडते.
त्याचवेळी प्लॅटफॉर्मवर उभे असलेले प्रकाश जाधव यांनी महिलेला वाचवण्यासाठी धाव घेतली. धाडस दाखवून त्या महिलेला ट्रॅकखाली जाण्यापासून वाचवले. हा संपूर्ण सीसीटीव्ही कॅमेऱ्यात कैद झाला आहे. प्रकाश जाधव हे एसटी महामंडळाच्या पालघर डेपोत सिक्युरिटी गार्ड म्हणून कार्यरत आहेत.
प्रकाश जाधव यांनी या तरुणीचा जीव वाचवल्याने त्यांच्यावर सर्व स्तरातून कौतुकाचा वर्षाव होत आहे. तर, कुणीही चालत्या ट्रेनमध्ये चढण्याचा प्रयत्न करू नये, असे आवाहन देखील प्रकाश जाधव यांनी केले आहे. या घटनेनंतर याचा सीसीटीव्ही फुटेज समाजमाध्यमांमध्ये व्हायरल होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.