संतोष बांगरचे महिलांसोबत अनैतिक संबंध, भाजप आमदाराचा धक्कादायक दावा

BJP MLA Tanaji Mutkule Serious Allegations Against Santosh Bangar : हिंगोलीमधील कळमनुरीचे शिंदेंच्या शिवसेनेचे आमदार संतोष बांगर यांच्यावर भाजप आमदार तान्हाजी मुटकुळे यांनी पुन्हा एकदा गंभीर आरोप केला आहे. शिवसेना आमदार संतोष बांगर महिलांसोबत अनैतिक संबंध ठेवतात. जायभाये नावाच्या व्यक्तीने आत्महत्या केली, अनेक महिलांसोबत बांगर यांचे अनैतिक संबंध असल्याचा आरोप भाजप आमदार तान्हाजी मुटकुळे यांनी केला आहे. गेल्या काही दिवसांपासून तान्हाजी मुटकुळे आणि संतोष बांगर या सत्ताधारी आमदारांमध्ये आरोप-प्रत्यारोपाच्या फैरी सुरू आहेत. भाजप आमदार मुटकुळे यांनी संतोष बांगर यांनी शिंदेंकडून ५० खोके घेतल्याच्या आरोप केला होता. आता त्यामध्ये आणखी भर पडली असून संतोष बांगर यांचे महिलांसोबत अनैतिक संबंध आहेत. जायभाये नावाच्या व्यक्तीच्या आत्महत्यावरही त्यांनी प्रश्न उपस्थित केले आहेत.

संतोष बांगर यांच्यावर गंभीर आरोप -

अश्लील शब्दाची सुरूवात कुणी केली हे, हा एक प्रश्न आहे. कळमनुरी काय झालेय, हे आमदराने (संतोष बांगर) तपासले पाहिजे. जायभाय नावाच्या व्यक्तीने आत्महत्या केली. तलाठी म्हणून असणाऱ्या तिच्या नवऱ्याच्या संदर्भात, बायाच्या संदर्भात कळमनुरीमध्ये चर्चा आहे. त्यामुळे तो आता हिंगोलीत प्रयत्न करत आहे. कळमनुरीत आपण काय करतो, तिथे किती लोकांशी अनैतिक संबंध ठेवतो, हे तपासले पाहिजे. हे सर्व रेकॉर्ड आपल्याला आहेत, असा खळबळजनक आरोप तान्हाजी मुटकुळे यांनी केला.

संतोष बांगरांना विकासच माहिती नाही -

विकास हा त्यांना (संतोष बांगर) नावाने माहिती नाही. कळमनुरी नगरपरिषदेत त्यांना येऊ देत नाही. विकास हा शून्य आहे. कळमनुरीतल्या स्मशानत जायला रस्ता नाह, अशी अवस्था आहे. हिंगोलीत बांगर चौथ्या क्रमांकावर जाणार. कळमनुरीमध्ये कोणताही विकास नाही. बांगर यांच्याकडे विकासाचे व्हिजिन नाही. इथे स्मशानात जायलाही रस्ता नाही, असा टोलाही यावेळी मुटकुळे यांनी लगावला.

पैशाच्या बळावर निवडणूक लढवतोय -

या निवडणुकीत काहीही दम नाही. ही निवडणूक आम्हीच जिंकणार आहोत. संतोष बांगर यांचा दारूण पराभव होणार आहे. आमची खरी लढत उद्धव ठाकरेंच्या शिवसेना आणि अजित पवार यांच्या राष्ट्रवादी काँग्रेस यांच्याबरोबर आहे. संतोष बांगर हे तिसऱ्या चौथ्या क्रमांकावर जातील. विकासाचे व्हिजन नसलेला माणूस फक्त पैशाच्या बळावर निवडणूक लढवू लागला, तर लोकांना हे पैसे कशाचे आहेत, हा पैसा कुठून आलेला आहे लोकांना माहिती आहे, असा आरोप भाजप आमदार तान्हाजी मुटकुळे यांनी केला आहे.