Local Body Election : ताई की दादा, लाडकी बहीण कोणाची? लाडकीवरुन महायुतीतच लढाई

Mukhyamantri Ladki Bahin Yojana : लाडकी बहीण योजनेवरून महायुतीतच पेटलेला संघर्ष काही थांबायला तयार नाही....मुख्यमंत्री आणि उपमुख्यमंत्री एकनाथ शिंदे भिडल्यानंतर आता पंकजा मुंडे आणि अजितदादांनीही या योजनेवर दावा ठोकलाय. त्यामुळे आता लाडकी ताईची की दादांची यावरचा हा स्पेशल रिपोर्ट....

राज्यात निवडणुकांचा हंगाम आला आणि सत्ता मिळवण्याचा संघर्ष सुरु झाला. राज्यात झालेल्या अनेक नैसर्गिक अनैसर्गिक युती आघाडीत सत्ता मिळवण्यासाठी आता विधानसभेत जादू करणाऱ्या लाडक्या बहिणाला आपल्याकडे वळवण्याची जोरदार रस्सीखेच सुरू झालीय. खुद्द मुख्यमंत्री आणि उपमुख्यमंत्र्यांमध्ये लाडकीवरुन जुंपलेली असतांना आता थेट पंकजाताईंनी लाडकी बहीण योजनेवर दावा ठोकलाय..तर तिजोरीच्या किल्ल्या हातात असलेल्या दादांनीही लाडकीसाठी खर्चाचा हिशोबच मांडला....

विधानसभा निवडणुकांमध्ये लाडक्या बहिणींमुळे राज्यात न भूतो न भविष्याती असं यश सत्ताधाऱ्यांना मिळालं. यामुळे राज्याच्या तिजोरीवरील वाढत्या ताणाकडे दुर्लेक्ष करुनही राज्यात लाडकीचे लाड सुरुयेत. त्यात आता नगरपरिषदांच्या निवडणुकीत याच लाडकीची मतं आपल्या पदरात पाडून घेण्यासाठी महायुतीतच श्रेयवादाची जोरदार लढाई सुरू झाल्याचं दिसतंय. मात्र लाडकी निवडणुकीत कुणाचे लाड पुरवणार हे निकालानंतरच स्पष्ट होईल.