वर्ध्यातील देवळी तालुक्यातील हिरापूर तळणी येथे दुर्दैवी घटना
अवघ्या २३ वर्षीय वृषभ कोटगले याचा वीज अंगावर कोसळून मृत्यू
मुसळधार पावसापासून बचाव करण्यासाठी झाडाखाली घेतला होता आसरा
आई, बहीण आणि आजोबांवर कोसळला दुःखाचा डोंगर
चेतन व्यास, वर्धा | साम टीव्ही
शेतावर फवारणीसाठी गेले. चौघे जण फवारणी करत होते. अचानक विजांच्या कडकडाटासह मुसळधार पाऊस कोसळला. या पावसापासून बचाव करण्यासाठी तिघांनी झाडाखाली आसरा घेतला. तर एक जण गोठ्यात थांबला. ज्या झाडाखाली तिघे जण थांबले होते, त्याच झाडावर वीज कोसळली. यात अवघ्या २३ वर्षांच्या शेतकऱ्याचा मृत्यू झाला. इतर दोघे जण थोडक्यात बचावले. वर्ध्यातील देवळी तालुक्यातील हिरापूर तळणी येथे ही दुर्दैवी घटना घडली. घरातील कर्ताधर्ता तरूण शेतकऱ्याच्या दुर्दैवी मृत्यूने आई-बहीण आणि आजोबावर दुःखाचा डोंगर कोसळला.
देवळी तालुक्यातील हिरापूर तळणी येथे ही मनाला चटका लावणारी घटना घडली. अवघ्या २३ वर्षांच्या शेतकऱ्याचा अंगावर वीज कोसळून मृत्यू झाला. वृषभ कोटगले असं या तरुणाचं नाव आहे. तो शेतावर पिकांवर फवारणीसाठी गेला होता. त्याच्यासोबत आणखी तिघे जण होते. फवारणी करताना अचानक तुफान पाऊस कोसळू लागला. विजांचा कडकडाटही सुरू होता.
वृषभ आणि इतर तिघे जण शेतात फवारणी करत होते. ते फवारणी करत असतानाच अचानक विजांच्या कडकडाटासह मुसळधार पाऊस सुरू झाला. अचानक पाऊस सुरू झाल्यानं त्यांची तारांबळ उडाली. या पावसापासून बचाव करण्यासाठी वृषभ आणि इतर दोघांनी तिथंच असलेल्या झाडाखाली आसरा घेतला. तर त्यातील एक जण गोठ्यात थांबला.
वृषभ आणि दोघे जण ज्या झाडाखाली थांबले होते, त्याच झाडावर वीज कोसळली. त्यात वृषभचा मृत्यू झाला. तर त्याच्यासोबत असलेले अन्य दोघे थोडक्यात बचावले. संजय गोले, स्वप्नील कोडापे आणि विष्णू भोयर अशी बचावलेल्या शेतकऱ्यांची नावे आहेत. घरातील कर्त्या मुलाच्या मृत्यूनं गावात हळहळ व्यक्त होत आहे. वृषभच्या घरात त्याच्या पश्चात आई, बहीण आणि आजोबा आहेत. वृषभच्या मृत्यूने या तिघांवर दुःखाचा डोंगर कोसळला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.