Wardha News : वर्धेत बोगस बियाणे रिपॅकिंग करणा-या टाेळीचा पर्दाफाश, 1 कोटी 51 लाख 82 हजारांचा मुद्देमाल जप्त (पाहा व्हिडिओ)

- चेतन व्यास

Wardha News : चंद्रपूर, भंडारा, गोंदिया आणि नागपूर येथे बोगस कापूस बियाणे रिपॅकिंग करुन त्याच्या विक्रीच्या तयारीत असलेल्या वर्धा जिल्ह्यातील सेवाग्राम पोलीस स्टेशन अंतर्गत म्हसाळा येथे एका घरावर पाेलिसांनी छापा टाकला. या छाप्यात 1 कोटी 51 लाख 82 हजाराचा मोद्देमाल जप्त करण्यात आला आहे. पाेलिस या प्रकाराची कसून चाैकशी करीत आहेत.  (Maharashtra News)

पाेलिसांकडून मिळालेल्या माहितीनूसार एका घरात गुजरात येथून आलेल्या बियाण्याच्या पोत्यातून छोट्या पाकिटात रिपॅकिंग केले जात हाेते. विविध नावांचे पाकीट तयार करून त्याची विक्रीसाठी प्रयत्न केले जात हाेते.

पोलीस, कृषी आणि महसूल विभागाचे अधिकारी यांनी संयुक्तरित्या संबंधित घरावर छापा टाकला. त्यावेळी हा सर्व प्रकार उघडकीस आला. कपाशीच्या बनावटी बियाणे विक्रीचा पर्दाफाश केल्यानंतर 296 पोते बियाणे जप्त करण्यात आले आहे. त्यासमवेत एक ट्रकही पोलिसांनी ताब्यात घेतला आहे.

सहा संशयित ताब्यात

मध्यरात्रीपासून पथक घटनास्थळावरच आहे. यामध्ये सुमारे 1 कोटी 51 लाख 82 हजार रुपयांचा मुद्देमाल जप्त करण्यात आला आहे. या प्रकरणी (wardha) सेवाग्राम पोलिसांनी सहा संशयित आरोपींना ताब्यात घेतले आहे.

Edited By : Siddharth Latkar