Jackie Shroff : "लाइट बंद कर..."; जॅकी श्रॉफ पापाराझींवर भडकले, पाहा व्हायरल VIDEO

बॉलिवूडचा जग्गू दादा म्हणजे अभिनेते जॅकी श्रॉफ (Jackie Shroff) कायम कोणत्या ना कोणत्या कारणामुळे चर्चेत असतात. त्यांचा हटके अंदाज प्रेक्षकांना कायम आवडतो. त्यांच्या स्टायलिश लूकचे तर लाखो चाहते दिवाने आहेत. अशात आता जॅकी श्रॉफ यांचा एक व्हिडीओ सोशल मीडियावर तुफान व्हायरल होत आहे. ज्यात ते पापाराझींवर भडकताना दिसत आहेत.

नुकतेच जॅकी श्रॉफ मुंबईतील वांद्रे येथे स्पॉट झाले. त्यांच्या स्टायलिश लूकने सर्वांचे लक्ष वेधून घेतले. त्यांनी काळ्या रंगाचा टी-शर्ट, पँट आणि जॅकेट परिधान केले होते. त्यात डोळ्याला काळा गॉगल देखील लावला होता. जॅकी श्रॉफ खूपच कूल दिसत होते. जॅकी श्रॉफ यांना पाहून पापाराझींनी त्यांना घेरले. तेव्हा जॅकी श्रॉफ यांनी देखील कॅमेऱ्यांसमोर पोझ दिली. मात्र पापाराझींच्या कॅमेऱ्याचा फ्लॅश जॅकी श्रॉफ यांच्या डोळ्यात जात होता. ज्यामुळे ते संतापले.

जॅकी श्रॉफ पापाराझींना म्हणाले की, "लाइट बंद कर बे अंधे...तुला दिसत नाही का?" त्यानंतर पापाराझी फ्लॅश लाइट बंद करतात. तेव्हा जॅकी श्रॉफ त्यांची संवाद साधतात आणि तेथून निघून जातात. जॅकी श्रॉफ यांच्या व्हायरल व्हिडीओवर चाहत्यांकडून कमेंट्सचा वर्षाव होत आहे.

वर्कफ्रंट

जॅकी श्रॉफ यांनी आजवर अनेक सुपरहिट चित्रपट केले आहे. जॅकी श्रॉफ आता लवकरच 'तू मेरी मैं तेरा मैं तेरा तू मेरी' चित्रपटातून प्रेक्षकांच्या भेटीला येणार आहे. यात कार्तिक आर्यन आणि अनन्या पांडे मुख्य भूमिकेत आहेत. 'तू मेरी मैं तेरा मैं तेरा तू मेरी' हा रोमँटिक ड्रामा आहे. चित्रपटात जॅकी श्रॉफ हे अभिनेत्री नीना गुप्ता यांच्यासोबत स्क्रीन शेअर करणार आहे. 'तू मेरी मैं तेरा मैं तेरा तू मेरी' चित्रपट 2026 मध्ये रिलीज होणार आहे.