Jaya Bachchan : पापाराझींना पोज दिली अन् हसून साधला संवाद, जया बच्चन यांचा 'तो' VIDEO व्हायरल

बॉलिवूड अभिनेत्री जया बच्चन या कायम कोणत्या ना कोणत्या कारणामुळे चर्चेत असतात. त्यांचे पापाराझींवर चिडतानाचे फोटो आणि व्हिडीओ तुफान व्हायरल होताना दिसतात. मात्र सध्या त्यांचा एक व्हिडीओ सोशल मीडियावर व्हायरल होत आहेत. ज्यात जया बच्चन या चक्क पापाराझींशी बोलताना, हसताना दिसत आहेत. व्हिडीओत जया बच्चन पापाराझींना आपली बाजू सांगताना दिसत आहे. त्या नेमकं काय म्हणाल्या, जाणून घेऊयात.

जया बच्चन (Jaya Bachchan) यांचा व्हायरल होणारा व्हिडीओ हा जुना आहे. जेव्हा जया बच्चन या अबू जानी आणि संदीप खोसला यांच्या एका कार्यक्रमात गेल्या होत्या. तेव्हा त्यांनी पापाराझींसोबत संवाद साधला आणि हसून पोज दिली. व्हिडीओमध्ये तुम्ही पाहू शकता की, "जया बच्चन या पापाराझींना म्हणतात की, मी फोटो देण्यासाठी नेहमी तयार असते. पण जेव्हा काही वैयक्तिक घडते आणि तुम्ही लपून फोटो आणि व्हिडीओ घेता. ते मला आवडत नाही. आता मी किती हसते बघा..."

नेहमी रागवणाऱ्या आणि चिडणाऱ्या जया बच्चन यांनी पापाराझींशी हसतमुख संवाद साधला आणि आपला मुद्दा मांडला. जया बच्चन यांचे बोलणे ऐकल्यावर पापाराझी आपल्या बाकीच्या साथीदारांना रेकॉर्डिंग बंद करण्यास सांगतात. कारण अनौपचारिक गप्पा सुरू असतात. मात्र तेव्हा हसत जया बच्चन म्हणतात की, "जेव्हा मी तयार असते, तेव्हा फोटो आणि व्हिडीओ घेण्यास काही हरकत नाही... पण जेव्हा मी तयार नसते आणि तुम्ही फोटो काढता... तेव्हा माझे रंग बाहेर येतात..."

जया बच्चन यांच्या व्हायरल होणाऱ्या व्हिडीओवर चाहत्यांकडून कमेंट्सचा पाऊस पडत आहे. 2023 साली रिलीज झालेल्या 'रॉकी और रानी की प्रेम कहानी' चित्रपटात जया बच्चन या दिसल्या होत्या. त्यांच्या अभिनयाचे चाहते आजही दिवाने आहेत.