Bigg Boss Marathi : रक्षाबंधनाच्या दिवशी बहीणभावाच्या नात्यात फूट; घन:श्याम-निक्कीमध्ये भांडण, घरात नेमकं काय घडलं? VIDEO

मुंबई : 'बिग बॉस मराठी ५' शोला तीन आठवडे पूर्ण झाले आहेत. या खेळात दिवसेंदिवस रंगत वाढू लागली आहे. या घरात काही सदस्यांची मैत्री घट्ट होऊ लागली आहे. तर काही जण मनमोकळेपणाने व्यक्त होत आहे. तर काही सदस्यांमध्ये भांडणही होऊ लागले आहे. या भांडणात आज आणखी भांडणाची भर पडणार आहे. 'कलर्स मराठी'ने इन्स्टाग्रामवर शेअर केलेल्या नव्या व्हिडिओमध्ये छोटा पुढारी आणि निक्की तांबोळीमध्ये कडाक्याचं भांडण झालेलं दिसत आहे. या भांडणाची सोशल मीडियावर जोरदार चर्चा होत आहे.

'बिग बॉस मराठी ५' शोमध्ये रंगत वाढल्याने सूरज चव्हाण, छोटा पुढारी आणि निक्की तांबोळीची सोशल मीडियावर जोरदार चर्चा होत आहे. या शोमध्ये गेल्या काही दिवसांत घन:श्याम दरवडे उर्फ छोटा पुढारी आणि निक्की तांबोळीमध्ये मैत्री वाढली होती. काही दिवसांपूर्वी छोटा पुढारी आणि निक्कीच्या एकाच सोफ्यावर बसून चांगल्याच गप्पा रंगल्या होत्या. दोघांमध्ये रंगलेला संवादही जोरदार चर्चेत आले होते. दोघांच्या मैत्रीनंतर बिग बॉसच्या घरातील सदस्यांमध्येही दबक्या आवाजात मैत्रीपेक्षा जास्त काहीतरी वेगळं असल्याचं म्हटलं जात होतं.

निक्कीने घन:श्यामला किस केल्याचाही व्हिडिओ सोशल मीडियावर व्हायरल झाला होता. त्यामुळे या चर्चांना जोरदार उधाण आलं होतं. या सर्वांवर छोटा पुढारीची आईने माध्यमांना भावनिक प्रतिक्रिया दिली होती. घनश्यामची आईने म्हटलं होतं की, 'दिसतं तसं नसतं, म्हणूनच जग फसतं. दोघांमध्ये फक्त बहीण आणि भावाचं प्रेम आहे. लोकांना तो उगाच काहीतरी वेगळा विषय वाटत आहे'.

बहीण-भावाच्या नात्यात फूट

रक्षाबंधनाच्या दिवशी घन:श्याम आणि निक्कीच्या नात्यात फूट पडली आहे. निक्कीने छोट्या पुढारीला थेट फेक असल्याचं म्हटलं आहे.

'मी काय 'फेक' वागलो? तू किती 'होपलेस' आहेस, हे जनतेला दिसत आहे. तुला सख्ख्या बहिणीचा दर्जा दिला, निक्कूताई म्हणाल्याने घात झाल्याचे छोटा पुढारी म्हणाला. 'मला बहीणीच्या नात्याचा दर्जा देऊ नको. खोटा आहेस, बहीण-भावाच्या नात्याला कलंक असल्याचं निक्कीने म्हटलं. रक्षाबंधनाच्या दिवशी या दोघांमध्ये दरार आल्याने आज बिग बॉसच्या घरात त्यांच्यात नेमकं कशावरून वाजलं, हे स्पष्ट होणार आहे.

दरम्यान, 'बिग बॉस मराठी ५' या शोचा आज चौथा आठवडा सुरु होणार आहे. या शोमधून रविवारी योगिता चव्हाण आणि निखिल दामले हे सदस्य घराबाहेर गेले आहेत.