Union Budget 2025: नवीन इन्कम टॅक्स बिल पुढच्या आठवड्यात; अर्थमंत्री निर्मला सितारामन यांची मोठी घोषणा

केंद्रिय अर्थमंत्री निर्मला सितारामन आज लोकसभेत अर्थसंकल्प सादर करत आहे. अर्थसंकल्पात आयकराबत मोठी घोषणा करण्यात येणार आहे. पुढच्या आठवड्यात नवीन आयकर विधेयक मांडणार अशी घोषणा अर्थमंत्र्यांनी सांगितली आहे. (Union Budget 2025)

आजच्या अर्थसंकल्पाकडून करदात्यांना खूप अपेक्षा होत्या. टॅक्स स्लॅब वाढवण्याची मागणी केली जात होती. पुढच्या आठवड्यात जेव्हा नवीन आयकर विधेयक मांडतील, त्यामध्ये याबाबत माहिती दिली जाईल.

अर्थमंत्री निर्मला सितारामन या पुढच्या आठवड्यात नवीन टॅक्स बिल मांडणार आहे. हे बिल मांडल्यानंतर काही दिवसातच नवीन कर प्रणाली लागू केली जाईल. दरम्यान, नुकतीच अर्थमंत्र्यांनी १२ लाखांचे उत्पन्न करमुक्त होणार अशी घोषणा केली आहे.त्याचसोबत स्टँडर्ड डिडक्शन ७५००० रुपये करण्यात आले आहे. त्यामुळे करदात्यांना काहीसा मिळाला आहे.

आता पुढच्या आठवड्यात जे नवीन विधेयक मांडण्यात येणार आहे त्यात काय बदल होणार हे समजणार आहे. (Union Budget News)

नवीन कर प्रणाली कशी असणार? (New Tax Regime)

नवीन कर प्रणालीत ०-४ लाखांवर तुम्हाला कर भरावा लागणार नाही. ४-८ लाखांवर ५ टक्के कर भरावा लागेल. ८-१२ लाखांच्या उत्पन्नावर १० टक्के कर भरावा लागेल.१२ ते १६ लाखांच्या उत्पन्नावर १५ टक्के कर लागू होणार आहे. २० ते २४ लाखांपर्यंतच्या उत्पन्नावर २५ टक्के कर लागणार आहे. तर २४ लाखांच्या वरील उत्पन्नावर ३० टक्के कर लागणर आहे.