Union Budget 2025: १२ लाखांपर्यंतचं उत्पन्न करमुक्त, किती उत्पन्नांवर किती कर? जाणून घ्या

केंद्र सरकारकडून सर्वसामान्यांसाठी मोठा निर्णय घेण्यात आला आहे. १२ लाखांपर्यंतचे उत्पन्न करमुक्त करण्यात आले आहे. १२ लाखांपर्यंतच्या उत्पन्नावर आता कोणताही कर लागणार नाही. त्यामुळे सर्वसामान्यांना मोठा दिलासा मिळाला आहे. नव्या करप्रणालीमध्ये देखील मोठे बदल करण्यात आले आहेत. अर्थमंत्र्यांनी नवीन कर प्रणाली देखील जाहीर केली आहे. स्टँडड डिडक्शन ५० हजारांवरून ७५ हजार रुपये करण्यात आले आहे. सरकार पुढील आठवड्यामध्ये नवं विधेयक आणणार आहे.

नोकरदारवर्गासाठी अर्थमंत्र्यांनी आज मोठी घोषणा केली. १२ लाख रुपयांपर्यंतच्या उत्पन्नावर कोणताही कर लागणार नाही अशी घोषणा अर्थमंत्र्यांनी केली. नव्या कररचनेअंतर्गत १२ लाख रुपयांपर्यंतच्या उत्पन्नावर कोणताही कर नाही.

महिन्याला १ लाख उत्पन्न असणाऱ्यांना यापुढे कुठलाही कर लागणार नाही. तर १८ लाखांपर्यंतच्या उत्पन्नावर ७० हजारांची सूट मिळणार आहे. २५ लाख रुपयांपर्यंतच्या उत्पन्नावर १ लाख २० हजारांची सूट मिळणार आहे. नवीन कर प्रणाली कशी आहे हे जाणून घेणं प्रत्येकासाठी गरजेचे आहे.

नवीन कर प्रणाली कशी आहे -

०-४ लाख - ० टक्के

४-८ लाखांपर्यंतच्या उत्पन्नावर - ५ टक्के

८ ते १२ लाखांपर्यंतच्या उत्पन्नावर- १० टक्के

१२ ते १६ लाखांपर्यंतच्या उत्पन्नावर - १५ टक्के

१६ ते २० लाखांपर्यंतच्या उत्पन्नावर - २० टक्के

२० ते २४ लाखांपर्यंतच्या उत्पन्नावर - २५ टक्के

२४ लाखांच्या वरील उत्पन्नावर - ३० टक्के