ITR Filling 2025: पहिल्यांदा आयटीआर भरताय? नो टेन्शन, स्टेप बाय स्टेट प्रोसेस जाणून घ्या, आयकर विभागाने जारी केला व्हिडिओ

आयटीआर भरण्यासाठी आता शेवटचा १ महिना उरला आहे. आयटीआर फाइल करण्याची शेवटची तारीख १५ सप्टेंबर २०२५ आहेत. ज्यांनी अजूनपर्यंत आयटीआर फाइल केला नाही त्यांनी लवकरात लवकर करावेत. दरम्यान, जर तुम्ही पहिल्यांदा आयटीआर फाइल करत असाल तर ही बातमी खास तुमच्यासाठी. तुमचा आयटीआर फाइल सोप्या आणि कोणत्याही अडचणींशिवाय भरायचा असेल तर या गोष्टींची नेहमी काळजी घ्या.

आयकर विभागाने एक्स या प्लॅटफॉर्मवर व्हिडिओ शेअर करत आयटीआर फाइल करण्याची प्रोसेस सांगितली आहे.

सर्वात आधी तुम्ही जर पहिल्यांदा आयटीआर फाइल करत असाल तर रजिस्टर करावे लागेल. पॅन कार्ड आणि आधार कार्डद्वारे रजिस्टर करा. त्यानंतर लॉग इन करुन आयटीआर भरा.

रजिस्ट्रेशन करण्यासाठी सर्वात आधी तुम्हाला टॅक्स पोर्टलवर जाऊन रजिस्टर या ऑप्शनवर क्लिक करावे लागेल. यानंतर तुमच्या पॅन कार्डची माहिती आणि आवश्यक माहिती भरा. तुम्हाला ओटीपी येईल. यानंतर तुम्ही पासवर्ड टाका. यानंतर तुम्ही अकाउंटमध्ये लॉग इन करु शकतात.

आयटीआर फाइल करण्याच्या स्टेप्स (ITR Filling Step By Step Process)

तुम्हाला सर्वात आधी सर्व कागदपत्रे जमा करायची आहेत. त्यात बँक स्टेटमेंट, उत्पन्नाची माहिती असायला हवी.

यानंतर आयकर विभागाच्या वेबसाइटवरुन फॉर्म 26AS आणि AIS डाउनलोड करायचा आहे. ही माहिती उत्पन्न आणि टीडीएसशी क्रॉस चेक करा.

यानंतर तुमच्या उत्पन्नानुसार फॉर्म निवडायचा आहे.

यानंतर तुम्हाला तुमचे उत्पन्न, डिडक्शन, सेव्हिंग, गुंतवणूक आणि होम लोनची माहिती द्यायची आहे.

यानंतर तुम्हाला रिटर्न सबमिट करायचा आहे.

यानंतर ई व्हेरिफिकेशन होऊन तुमची प्रोसेस पूर्ण होईल.