HSRP नंबरप्लेट अजूनही बसवली नाही? या तारखेपासून होणार कारवाई, भरावा लागणार दंड

राज्यातील सर्व वाहनधारकांना एचएसआरपी नंबरप्लेट बसवणे अनिवार्य केले आहे. २०१९ आधीच्या सर्व वाहनांना नंबरप्लेट बसवायची आहे. एचएसआरपी नंबरप्लेट बसवण्यासाठी अनेकदा मुदतवाढ देण्यात आली आहे. आता ही मुदत पुन्हा एकदा वाढवण्यात आली आहे. आता ३० जूनपर्यंत एचएसआरपी नंबरप्लेट बसवायची आहे.

या तारखेपर्यंत मुदतवाढ (HSRP Number Plate Deadline Extended)

महाराष्ट्रातील लाखो वाहनांनी अजूनपर्यंत एचएसआरपी नंबरप्लेट बसवलेली नाही. फक्त सोलापूरातील १ सव्वा नऊ लाख वाहनांना एचएसआरपी नंबरप्लेट बसवणे बाकी आहे. आता ३० जूनपर्यंत शेवटची तारीख आहे. मुदतीनंतर मात्र ज्यांच्याकडे एचएसआरपी नंबरप्लेट नाही त्यांच्यावर दंडात्मक कारवाई होणार आहे.

फक्त एकट्या सोलापूर जिल्ह्यातील ७३ टक्के वाहनधारकांनी एचएसआरपी नंबरप्लेट बसवलेली नाही. राज्यातील ५० टक्के वाहनधारकांना अजून एचएसआरपी नंबरप्लेट बसवायची आहे. आता यासाठी मुदत देण्यात आली आहे. मुदतीनंतर नंबरप्लेट बसवल्यास पहिल्या वेळी ५०० रुपयांचा दंड भरावा लागणार आहे. त्यानंतर दुसऱ्या वेळी १००० रुपयांचा दंड भरावा लागणार आहे.

दुसरीकडे एचएसआरपी नंबरप्लेट न बसवल्यास वाहनधारकांची अनेक कामे रखडणार आहेत. कर्जाचा बोजा दुसऱ्याच्या नावे करणे, वाहनांची पुन्हा नोंदणी, वाहनात बदल, वाहन परवाना नुतणीकरण करता येणार नाही. त्यामुळे वाहनधारकांची अनेक कामे वाढणार आहेत.

HSRP नंबरप्लेट बसवावीच लागणार...

१ एप्रिल २०१९ आधीच्या सर्व वाहनांना हाय सिक्युरिटी नंबरप्लेट बसवावी लागणार आहे. यासाठी ३० जूनपर्यंतची शेवटची मुदत देण्यात आली आहे. नंबरप्लेट न बसवल्यास दंडात्मक कारवाई केली जाणार आहे. आरटीओकडील कामेदेखील थांबवली जाणार आहे, असं विजय पाटील, उपप्रादेशिक परिवहन अधिकारी, सोलापूर यांनी सांगितलं.