- सागर निकवाडे

अक्षर आनंद वाचन संस्कार केंद्राच्या माध्यमातून वाचन संस्कृती रुजवण्यासाठी पाच कलमी सुत्री तयार करण्यात आली आहे. त्याच्या प्रचार आणि प्रसारासाठी परभणीच्या विनोद शेंडगे यांनी परभणी ते नंदुरबार असा 500 किलाेमीटरचा सायकल प्रवास नुकताच केला आहे.

परभणी जिल्हा परिषदेच्या शाळेत शिक्षक म्हणून कार्यरत असणा-या विनोद शेंडगे यांनी वाचन संस्कृती रुजविण्याच्या दृष्टीने विशेष मोहीम हाती घेतली आहे. यासाठी त्यांनी वाचन पंचसुत्री तयार केली आहे. सहकुटंब वाचन करुया, वाचनासाठी निमित्त शोधूया, बालकांसाठी पुस्तक वाचन स्पर्धा ,वाचन संस्कार केंद्र आणि मी वाचलेले पुस्तक यांच्या माध्यमातून ते वाचन चळवळ रुजविण्याचे काम करत आहेत.

विनाेद यांनी 3 जुनला सकाळी सात वाजता परभणीहून नंदुरबारच्या दिशेने आपला सायकल प्रवास सुरु केला. रोज नव्वद ते शंभर किलोमीटरचा सायकल प्रवास आणि या प्रवासा दरम्यान येणा-या पाच ते सहा गावांना भेटी हा त्यांचा प्रवासातील नित्याचा उपक्रम.

या प्रवासा दरम्यान विनोद शेंडगे यांनी गावातील, शहरातील ग्रंथालय, शिक्षक, पत्रकार, साहित्य, वाचनप्रेमींना भेटी दिल्या. त्यांच्या उपक्रमााची माहिती दिली. वाचन चळवळ वाढविण्यासाठी काेणते प्रयत्न करावेत याबाबत चर्चा केली.

या प्रवासादरम्यान ते बोरी, चांदज, जिंतूर, देवगाव, मंठा, तळणी, लोहार, मेहकर,हिवरा आश्रम, चिखली, बुलढाणा, मोताळा, मलकापुर,मुक्ताईनगर, वरणगाव, भुसावळ,जळगाव, धरणगाव, अंमळनेर ,धुळे, सोनगीर, चिमठाणा, दोंडाईचा, नंदुरबार सारख्या शहरातून गावामध्ये त्यांनी वाचनसंस्कृती रुजविण्यासाठी परिश्रम घेतले.

Edited By : Siddharth Latkar