युद्धामुळे इंटरनेट धोक्यात येणार? होर्मुझमधील हल्ल्यांमुळे ब्लॅकआउटचा धोका, VIDEO

होर्मुझमार्गे होणारी जलवाहतूक जगातील तेलाची लाईफलाईन म्हणून ओळखली जाते. मात्र हा जलमार्ग केवळ तेलाच्या व्यापारासाठी नाही तर जगातील इंटरनेटसाठी एक महत्त्वाचा डिजिटल कॉरिडॉर देखील आहे. याच्या तळाशी फायबर-ऑप्टिक केबल्सचे प्रचंड मोठे जाळे आहे. भारताची आंतरराष्ट्रीय इंटरनेट कनेक्टिव्हिटी प्रामुख्याने अरबी समुद्रातून आखाती देश आणि युरोपमधून येणाऱ्या केबल्सवर अवलंबून आहे. या केबल्सचा मोठा भाग होर्मुझमधून जातो. भारतातून पश्चिमेकडे जाणाऱ्या इंटरनेट ट्रफिकपैकी सुमारे एक तृतीयांश या क्षेत्रात आहे. जर समुद्रातही हल्ले सुरू झाले तर या केबल्सवर संकट ओढवू शकतं. यामुळे नेमका कशावर परिणाम होऊ शकतो ? ते पाहूया

ई-मेल

ऑनलाइन बँकिंग

सोशल मीडिया

व्हिडीओ कॉल

स्ट्रीमिंग सेवा

क्लाउड कम्प्युटिंग

डिजिटल ऑपरेशन्स

गेल्या काही वर्षांत मोठ्या कंपन्यांनी मध्य पूर्वेमध्ये गुंतवणूक केली आहे. Amazon, Google आणि Microsoft सारख्या कंपन्या तेथे डेटा सेंटर आणि AI पायाभूत सुविधा उभारत आहेत. या डेटा सेंटर्सना जगाशी जोडणाऱ्या अनेक केबल्स होर्मुझ परिसरातून जातात. तज्ञांचं यासंदर्भात काय म्हणणं आहे ते पाहूया...

समुद्राखाली टाकलेल्या हजारो किलोमीटरच्या फायबर-ऑप्टिक केबल्स जगातील इंटरनेटचा खरा कणा आहेत. तज्ञांच्या मते, जगातील सुमारे 95 ते 99 टक्के आंतरराष्ट्रीय डेटा ट्रॅफिक या समुद्राखालील केबल्समधून होत असतं.

समुद्राखाली लपलेले इंटरनेटचे जग

आज जगात 400 हून अधिक प्रमुख इंटरनेट केबल नेटवर्क आहेत. ही केबल समुद्राच्या तळापासूनही काही मीटर खाली अंथरलेली आहे. ही केबल प्रकाशाच्या वेगाने डेटा प्रसारित करते. आणि आखाती देशांच्या समुद्रातून जाणारं हे इंटरनेटचं महाजाल आशिया, आफ्रिका आणि युरोपला जोडतात.

म्हणूनच होर्मुझची सामुद्रधुनी आता केवळ तेलासाठीच नव्हे तर इंटरनेटसाठी देखील एक महत्त्वाचा परिसर मानला जोता. त्यामुळे युद्ध चिघळलं आणि ते थेट समुद्रात पोहचलं तर मात्र जगाचंच इंटनेट ठप्प होण्याची भीती व्यक्त केली जात आहे.