Gondia Accident : गोंदिया- कोहमारा मार्गावर बसला अपघात, 12 प्रवासी जखमी, 2 गंभीर

- शुभम देशमूख

गोंदिया ते कोहमारा महामार्गावर आज (साेमवार) पहाटेच्या सुमारास खाजगी बसचा भीषण अपघात झाला. या अपघातात 10 ते 12 प्रवासी जखमी झाले आहेत. या जखमींवर रुग्णालयात उपचार सुरु आहेत.

या अपघाताबाबत पाेलिसांकडून मिळालेल्या प्राथमिक माहितीनूसार गोंदिया ते कोहमारा महामार्गावरुन कोहमारा कडून गोंदियाकडे जाता बसला अपघात झाला. या बसच्या चालकाचे बसवरील नियंत्रण सुटल्याने राईस मिलच्या सुरक्षा भिंतीला बस आदळली.

या घटनेत चालक व समोर बसलेले प्रवासी गंभीर जखमी झाले आहेत. याबराेबरच बसमधील इतरही प्रवासी किरकोळ जखमी झाल्याची माहिती पाेलिसांनी दिली. या घटनेत सुमारे 10 ते 12 प्रवासी जखमी झाले आहेत.

Edited By : Siddharth Latkar