- अभिजीत देशमुख
कल्याण डोंबिवली महापालिका हद्दीतील नालेसफाईचे काम 80 टक्के पूर्ण झाले आहे. नालेसफाईनंतर काढण्यात आलेला गाळ हा रस्त्यालगत ठेवला जातो. गाळ वेळेवर न उचलल्याने रस्त्यासह परिसरात अस्वच्छता दुर्गंधी पसरते. आज महापालिका आयुक्त इंदुराणी जाखड यांनी हा गाळ तत्काळ उचला, गाळ रस्त्यालगत आढळून आल्यास ठेकेदारासह अधिकाऱ्यांवर कारवाई करणार असल्याचा इशारा दिला आहे.
कल्याण डोंबिवली महापालिका हद्दीतील नालेसफाईच्या कामकारीता 3 कोटी 50 लाख रुपये खर्चाच्या निविदा मंजूर करण्यात आल्या आहेत. त्यासाठी महापालिकेच्या दहा प्रभाग क्षेत्राकरीता करिता प्रत्येकी एक या प्रमाणे दहा कंत्राटदारांची नियुक्ती केली आहे.
एप्रिल महिन्यापासून नालेसफाईची कामे सुरु आहेत. नालेसफाईचे काम 80 टक्के पूर्ण झाल्याचा दावा पालिका प्रशासनाने केलाय. नालेसफाईच्या कामाची पाहणी यापूर्वी कल्याण पश्चिमेचे शिवसेना आमदार विश्वनाथ भोईर, कल्याण पूर्वेचे भाजप आमदार गणपत गायकवाड यांच्या पत्नी सुलभा गायकवाड आणि शिवसेनेचे कल्याण पूर्वेचे शहर प्रमुख महेश गायकवाड यांनी केली होती. या तिन्ही लोकप्रतिनिधींनी महापालिकेच्या नालेसफाईच्या कामाविषयी तीव्र नाराजी व्यक्त केली होती.
आज महापालिका आयुक्त इंदूराणी जाखाड यांनी नालेसफाईच्या कामाची पाहणी केली. त्यानंतर माध्यमांशी बोलताना त्यांनी काही नागरिकांकडून नाल्यात कचरा टाकला जात असल्याची खंत व्यक्त केली. दरम्यान नाल्यातला गाळ काढून नाल्याच्या लगत ठेवला जातो. वेळेवर गाळ न उचलल्याने परिसरात दुर्गंधी अस्वच्छता पसरते. त्यामुळे संबंध ठेकेदाराने गाळ तत्काळ हटवला पाहिजे अन्यथा संबंधित ठेकेदारासह अधिकाऱ्यांवर देखील कारवाईचा इशारा आयुक्तांनी दिला आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.