Firing On Former CM: मोठी बातमी! जम्मूमध्ये माजी मुख्यमंत्र्यांवर गोळीबार

नॅशनल कॉन्फरन्सचे अध्यक्ष आणि जम्मू-काश्मीरचे माजी मुख्यमंत्री फारुख अब्दुल्ला यांच्यावर गोळीबार झाला आहे. जम्मूच्या ग्रेटर कैलाश भागात ही गोळीबाराची घटना घडली. एका अज्ञात हल्लेखोराने माजी मुख्यमंत्री फारुख अब्दुल्ला यांच्यावर गोळीबार केला.

वृत्तानुसार, डॉ. फारुख अब्दुल्ला या गोळीबारातून थोडक्यात बचावलेत. त्यांना कोणतीही दुखापत झाली नाहीये. मात्र या घटनेमुळे परिसरात तणाव निर्माण झाला आहे. दरम्यान गोळीबाराची घटना घडल्याची माहिती मिळताच पोलीस घटनास्थळी पोहोचलेत. त्यांनी परिसराला घेराव घातला. पोलिसांनी तातडीने कारवाई करत गोळीबार करणाऱ्या संशयिताला अटक केली आहे.