लातूरमध्ये भीषण रस्ते अपघातामध्ये दोन मित्रांचा दुर्दैवी मृत्यू झाल्याची घटना घडली आहे. परदेशामध्ये नोकरीसाठी जाण्याचं या तरुणांचं स्वप्न अपूर्ण राहिलं. ट्रॅक्टर आणि दुचाकीच्या भीषण अपघातामध्ये या तरुणांचा मृत्यू झाला. लातूरच्या घोणसी- गुडसूर मार्गावर ही घटना घडली. या अपघाताचा तपास लातूर पोलिसांकडून सुरू आहे.
मिळालेल्या माहितीनुसार, लातूरच्या जळकोट तालुक्यातील मेवापूर येथे राहणारे दोन मित्र नोकरीसाठी सौदी अरेबियात जाणार होते. परदेशामध्ये नोकरी मिळावी यासाठी त्यांचे गेल्या काही दिवसांपासून प्रयत्न सुरू होते. परदेशामध्ये जाण्यासाठी त्यांच्याकडे पासपोर्ट नव्हते. हेच पासपोर्ट काढण्यासाठी दोघेही शनिवारी लातूरच्या पासपोर्ट कार्यालयात गेले होते.
पासपोर्ट काढून घरी परत येत असताना या तरुणांवर काळाने घाला घातला. दुचाकीवरून ते घरी जात होते. अशातच घोणसी ते गुडसूर मार्गावर ट्रॅक्टरला त्यांच्या दुचाकीने जोरदार धडक दिली. या भीषण अपघातामध्ये दोन्ही तरुण गंभीर जखमी झाले. स्थानिक नागरिकांनी तात्काळ या दोन्ही तरुणांना उपचारासाठी उदगीरच्या शासकीय रुग्णालयामध्ये हलवले. पण डॉक्टरांनी उपचारापूर्वीच त्यांना मृत घोषीत केले. सुनील राठोड आणि भरत गोपनर असं या मृत तरुणांची नावं आहेत. या अपघाताचा तपास लातूर पोलिसांकडून सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.