Samruddhi Highway Accident: समृद्धी महामार्गावर भीषण अपघात! आयशर- ट्रॅव्हल्सची धडक; १५ प्रवासी जखमी, २ गंभीर

छत्रपती संभाजीनगर, ता. १ ऑगस्ट २०२४

गेल्या काही दिवसांपासून राज्यात अपघातांचे सत्र सुरू आहे. अशातच समृद्धी महामार्गावरुन एक मोठ्या अपघाताची बातमी समोर आली आहे. समृद्धी महामार्गावर उभ्या असलेल्या आयशरला ट्रॅव्हलर टेम्पोने जोरदार धडक दिली. या अपघातामध्ये १५ प्रवासी जखमी झाले आहेत. जखमींना रुग्णालयात दाखल करण्यात आले असून दोघांची प्रकृती गंभीर असल्याचे सांगण्यात येत आहे...

याबाबत सविस्तर माहिती अशी की, समृद्धी महामार्गावरुन एक भीषण अपघाताची बातमी समोर आली आहे. छत्रपती संभाजीनगरजवळ ही अपघाताची घटना घडली असून रस्त्यावर उभ्या असलेल्या आयशर ट्रकला टेम्पोट्रॅव्हलरने जोराची धडक दिली. या अपघातामध्ये १५ प्रवासी जखमी झाले असून त्यामधील दोघांची प्रकृती गंभीर असल्याचे सांगण्यात येत आहे.

समोर आलेल्या माहितीनुसार, सकाळी साडेचार वाजण्याच्या सुमारास हा भीषण अपघात झाला. ट्रॅव्हल्सने ट्रकला दिलेली धडक इतकी जोरदार होती की दोन्ही गाड्यांचे मोठे नुकसान झाले असून ट्रॅव्हल्सच्या समोरील भागाचा चुराडा झाला आहे. जखमींपैकी ड्रायव्हर आणि सहायकाची प्रकृती चिंताजनक असल्याचे सांगण्यात येत आहे. त्यांच्यावर सध्या उपचार सुरू आहेत.