Thane Land Scam: ठाण्यात जमीन घोटाळा; २०० कोटींची जमीन ३ कोटीत लाटली, वडेट्टीवारांचा शिंदेंच्या मंत्र्यावर आरोप

Pratap Sarnaik land deal controversy : मुंबई-पुण्यात भूखंडांचे घोटाळे गाजत असतानाच आता ठाणे जिल्ह्यातला नवा जमीन घोटाळा बाहेर आलाय. शिंदेसेनेचे मंत्री सरनाईक यांनी २०० कोटींचा भूखंड ३ कोटीत मिळवल्याचा आरोप करण्यात आलाय...हा आरोप कुणी केलाय? हा भूखंड नेमका कुठे आहे? याचा विशेष रिपोर्ट.

राज्याच्या राजकारणात सध्या जमीन घोटाले गाजताहेत आणि या घोटाळ्यांवरून सत्ताधारी आणि विरोधकांमध्ये आरोप-प्रत्यारोपांच्या फैरी झडतायत... अशातच भाजप आणि अजितदादांच्या राष्ट्रवादीनंतर आता शिंदेंसेनेतील मंत्र्यांवर जमीन घोटाळ्याचा आरोप करण्यात आलाय. शिंदेसेनेचे मंत्री प्रताप सरनाईक यांनी 200 कोटींची जमीन 3 कोटीत लाटल्याचा गंभीर आरोप काँग्रेसच्या विजय वडेट्टीवारांनी केलाय...तर हे आरोप फेटाळून लावताना विजय वडेट्टीवारांनी याचे पुरावे द्यावेत,असं आव्हान सरनाईकांनी दिलय...

दरम्यान जमीन घोटाळ्य़ावरून वारंवार सत्ताधाऱ्यांना घेरलं जात असल्यानं सत्ताधारी भाजपच्या महसुलमंत्र्यांनी, आधी तक्रार द्या, मग चौकशी करू असं म्हणत सारवासारव करण्याचा प्रयत्न केलाय. राज्यात यापूर्वीही भूखंड घोटाळे गाजले.. मुख्यमंत्र्यांपासून मंत्र्यांपर्यंत अनेकांना जमीन घोटाळयांच्या आरोपांमुळे आपली खुर्ची सोडावी लागलीय.अशातच मंत्री असणाऱ्या प्रताप सरनाईकांवर थेट जमीन घोटाळ्याचा आरोप झाल्यानं त्याची चौकशी होणार का? बावनकुळेंचे आव्हानं स्विकारून वडेट्टीवार सरनाईकांची नाकेबंदी करण्यासाठी मैदानात उरणार का? हे पाहणं महत्त्वाचं आहे.