Passport Seva Kendra Portal : पासपोर्ट काढणाऱ्यांसाठी महत्त्वाची बातमी! आताच जाणून घ्या नवी अपडेट

जर तुम्ही पासपोर्ट काढण्याचा विचार करत असाल किंवा पासपोर्टची प्रक्रिया सुरु केली असेल तर तुमच्यासाठी महत्त्वाची बातमी आहे. जर तुम्हाला पासपोर्ट काढायचा असेल तर तुम्हाला २ सप्टेंबरपर्यंत काढता येणार नाही. पासपोर्ट सेवा केंद्र पोर्टल २ तारखेपर्यंत बंद राहणार आहे.

पासपोर्ट केंद्र पोर्टल राहणार बंद

२ सप्टेंबरपर्यंत संध्याकाळी ६ वाजेपर्यंत पासपोर्ट सेवा केंद्र पोर्टल बंद राहणार आहे.परराष्ट्र व्यव्हार मंत्रालयाने याबाबत माहिती दिली आहे. २ सप्टेंबरपर्यंत कोणत्याही प्रकारची नवीन भेटीची वेळ मिळणार नाही. तसेच ज्या अपॉइंटमेंट या कालावधीत असेल त्या रिशेड्यूल करण्यात येणार आहे.

२९ ऑगस्ट म्हणजे आजपासूनच पासपोर्ट सेवा केंद्र पोर्टल बंद राहणार आहे. या कालावधीत पासपोर्टसंबंधित कोणतेही काम होणार नाही. ज्या लोकांची अपॉइंटमेंट या कालावधीत असेल त्यांची वेळ रिशेड्युल करण्यात येईल.

मार्च महिन्यातदेखील हे पोर्टल तीन दिवसांसाठी बंद होते. काही तांत्रिक कारणांसाठी हे पोर्टल बंद ठेवण्यात आले होते. त्यामुळे जर तुम्हीही सध्या पासपोर्ट बनवण्याचा विचार करत असाल तर २ सप्टेंबरनंतरच प्रक्रिया सुरु करा.

पासपोर्ट बनवण्याची प्रोसेस

कोणत्याही प्रकारच्या आंतरराष्ट्रीय फ्लाइटसाठी पासपोर्टची गरज असते. पासपोर्टसाठी एक प्रोसेस असते. सर्वप्रथम तुम्हाला अर्ज करावा लागतो. तुमचा अर्ज स्विकारल्यानंतर तुम्हाला मुलाखतीसाठी बोलावले जाते. तेथे तुम्हाला तुमच्याविषयी सर्व माहिती विचारली जाते. त्यानंतरच तुमची पासपोर्ट बनवण्याची प्रोसेस सुरु होते. त्यासाठी तुम्हाला ऑनलाइन किंवा ऑफलाइन पासपोर्ट केंद्रावर अपॉइंटमेंट घ्यावी लागते.