पश्चिम बंगालमध्ये डॉक्टर तरुणीवर झालेला अत्याचार आणि हत्येच्या घटनेने देशभरात संतापाची लाट उसळली आहे. या घटनेनंतर देशभरातील डॉक्टरांनी संप पुकारला होता. या घटनेचा निषेध करण्यासाठी आज पश्चिम बंगालमध्ये कोलकाता आणि हावडामध्ये डॉक्टरांनी आंदोलन पुकारले असून नवब्बा अभियान मोर्चाचे आयोजन केले आहे. या आंदोलकांना पांगवण्यासाठी पोलिसांनी विद्यार्थ्यांवर लाठीमार करत अश्रुधुराच्या नळकांड्या फोडल्या.
पश्चिम बंगालच्या आरजी का हॉस्पिटलच्या प्रशिक्षणार्थी डॉक्टरच्या मुलीला न्याय मिळावा या मागणीसाठी मंगळवारी कोलकाता आणि हावडा येथे मोठ्या प्रमाणात निदर्शने करण्यात आली. विद्यार्थ्यांनी ‘नबान्ना अभियान’ पदयात्रा सुरू केली आहे. यावेळी पोलिसांनी आंदोलक विद्यार्थ्यांवर लाठीमार केला असून त्यांना पांगवण्यासाठी अश्रुधुराच्या नळकांड्याही सोडल्या तसेच पाण्याचा माराही केला आहे.
या हत्या आणि अत्याचाराच्या घटनेविरोधात का विद्यार्थी संघटनेने हावडा स्थित सचिवालय नबन्ना येथे निषेध मोर्चा काढण्याची योजना आखली आहे. हावडा येथील संत्रागाछी येथे आंदोलक जमा होत आहेत. आंदोलकांनी मुख्यमंत्री ममता बॅनर्जी यांच्या राजीनाम्याची मागणी करत तीव्र निदर्शन केली. या आंदोलनाच्या पार्श्वभूमीवर पोलिसांकडून कडक सुरक्षा व्यवस्था ठेवण्यात आली असून शहरात 6,000 हून अधिक कोलकाता पोलिस तैनात करण्यात आले आहेत. प्रत्येक कोपऱ्यात सुरक्षा वाढवण्यात आली आहे. तसेच आंदोलकांच्या पार्श्वभूमीवर कोलकाता पोलिसांनी हावडा ब्रीज पादचाऱ्यांसाठी बंद केला आहे.
कोलकाता पोलीस आणि हावडा शहर पोलिसांनी नबन्नाच्या आजूबाजूचा परिसरात १९ ठिकाणी बॅरिकेड्स लावण्यात आले आहेत, तर इतर महत्त्वाच्या ठिकाणी पाच ॲल्युमिनियम बॅरिकेड्स लावण्यात आले आहेत. पोलिसांव्यतिरिक्त कॉम्बॅट फोर्स, हेवी रेडिओ फ्लाइंग स्क्वॉड (एचआरएफएस), रॅपिड ॲक्शन फोर्स (आरएएफ), क्विक रिॲक्शन टीम (क्यूआरटी) आणि वॉटर कॅनन तैनात करण्यात आले आहेत. ड्रोनच्या माध्यमातूनही परिसरावर नजर ठेवली जाणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.