बीडच्या राजकारणात पंकजा आणि धनंजय मुंडे हे बंधू भगिनी12 वर्षानंतर पुन्हा एकत्र आले. मात्र धनंजय मुंडेंच्या निकटवर्तीयाचा घोटाळा काढताना अंजली दमानियांनी आणखी एक गौप्यस्फोट केलाय..पंकजा मुंडेंच्या मंत्रिपदाला सुरुंग लावण्यासाठी धनंजय मुंडे, राजेंद्र घनवट आणि तेजस ठक्कर घोटाळ्याची फाईल घेऊन आपल्याकडे आल्याचा दावा अंजली दमानियांनी केलाय.

2014 मध्ये राज्यात महायुतीचं सरकार असताना पंकजा मुंडेंकडे ग्रामविकास, जलसंधारण आणि महिला व बालकल्याण मंत्रिपद देण्यात आलं... मात्र अवघ्या वर्षभरातच पंकजा मुंडेंवर घोटाळ्यांच्या आरोपांचं सत्र सुरु झालं.. पंकजा मुंडेंवर कोणत्या घोटाळ्यांचे आरोप झाले? पाहूयात...

पंकजांविरोधात आरोपांचं सत्रं

जून 2015

पंकजा मुंडेंवर चिक्की खरेदीत गैरव्यवहाराचा आरोप

2016

टेक होम रेशन योजनेत 7200 कोटींच्या घोटाळ्याचा आरोप

2024

पंकजा मुंडेंशी संबंधित वैद्यनाथ साखर कारखान्यात आर्थिक गैरव्यवहाराचा आरोप

2013 मध्ये धनंजय मुंडेंनी गोपीनाथ मुंडेंवर आरोप करत भाजप सोडली... त्यानंतर धनंजय मुंडे विरोधी पक्षनेते होते.. त्यावेळी मुंडेंनी पंकजा मुंडेंवर चिक्की घोटाळ्याचे आरोप केले होत..

(30 जुलै 2015)

चिक्की घोटाळ्याच्या चौकशीनंतर पंकजा मुंडेंना क्लीन चिट मिळाली खरी पण त्यानंतर झालेल्या घोटाळ्यांमागे आणि पंकजा मुंडेंचं जलसंधारणचं मंत्रिपद जाण्यामागे धनंजय मुंडे होते का? याची चर्चा दमानियांच्या आरोपांनी पुन्हा सुरु झालीय...